Brahmans (sanskrito: ब्रह्मन् = bráhman) ī tuokis žuodis, katruos senuobės Indėjės pėliosuopėjuo, īpatingā vedantuo, rēšk patė aukštiausė tikruobė, ciela svieta dūšė. Tas nie kuokė asaba, ale nikap nešgolduoma vėršenībė, katra būn neprigolnā anėi nug čiesa, anėi nug erdvės.[1] Ėš Brahmana vėskos rondas, anamė gīven ė i ana pagrīžt, ka apent atgimtom.
Tasā žuodis gausē mėnavuojams Rigvėduo ė kėtūs vedūs, ale tenās rēšk malda, švėnta žuodi, žuosmė. Kap ė graiku loguosos, brahman pamažo ėš švėnta žuodė palėi svieta koriantė dievībė-žuodio.
Skėras do Brahmano: vėins, kor tor savībės (saguṇa), ė kėts, kor netor savībiu (nirguṇa).