Gondra rūgštīnė

Žīdia gondra rūgštīnės

Gondra rūgštīnė, kėtap zoikė rūgštīnė, šonėis rūgštīnė, rūgštīnielė, rūgštīnītė (luotīnėškā: Rumex acetosella) ī tuokis augals, katros muokslėškā prigol prī rūgtėniu augalū (Polygonaceae) šeimuos, ėr ī gėmėnie rūgštīnē.

Ta ī nedėdlė, 5-30 sīkēs lėg 60 cm aukštoma daugiametė žuolie. Toria dėdlės, gėlės šaknis. Stombris statmens, pluons, sīkēs šakuots. Lapā nedėdli, siauri kap kuokės strielītės. Žėidā mažītē, rauduoni.

Žīdia gondra rūgštīnė terp gegožė ė rogpjūtė mienesiu. Auga pošīnūs, pėivūs, atšlāties, pakelies, javūs, anā īpatingā patink rūgštės ė lėngvas dėrvas.

Tas pėktžuolė ī, katra guoža javus, žuolės šerėmou, lėnus. Gondra rūgštīnė trocīzna ī, katra apsitročėn gīvuolē, īpatingā avis.