Vakarīnė
Vakarīnė aba večerė ī paskotėnis dėinuos jiedis, jiedams vakarė, aplė 8 adīna. Paprastā tas liuob būtė lėngvos ė šėlts jiedis – bolbīnė, potra, bolbiu kuošė,[1] tepuogė kuokė pėinėška zopė (vieliau pradieti taisītė ė makaruonā, rīžā). Tėktās par Kūtės liuob taisītė dėdlė ė suotė vakarīnė.
Daba vakarīnė tonkē būn dėdlīsis dėinuos jiedis, ba žmuonis, katrėi dėrb ciela dėina ne nomūs, tėktās pargrīžė vakarė gal pataisītė kon suotiau. Daba vakarīnė paprastā būn onkstiau (aplė 5-7 ad.), anā taisa vairius karštus ė suotius jiedius.