Žalmedis
Žalmedis (luotīnėškā: Artemisia abrotanum) ī tuokis nedėdlis krūmoks, muokslėškā prėgolons dailīžėidiu augalū (Asteraceae) šeimā.
Savāmėškā ons aug pėitrītiu Euruopuo – Kruoatėjuo, Buosnėjuo ė Herceguovėnuo, Albanėjuo, euruopėnės Rosėjės pėitvakarėnie dalie, Okraėnuo ė Mažuojuo Azėjuo, Kaukazė.
Lietovuo žalmedis ivēsts ī, augėnams šalėp nomū (žuolėninkūs), kapūs, suodnūs.
Anam tink saulietas vėitas, smiltinga, kalkinga dėrva.
Žalmedis tā daugiametis, 60-150 cm augoma augals ī, katros žalioun par vėsa vasara. Stombris anou šakuots ī, šaknės stuoruoka, somediejosi. Lapā sosėdalėnė̄ kap siūliokā. Žėidā žalmedė žalē geltuoni ī, žīdia nug rugpjūtė pabonguos lėg spalė. Ciels žalmedis gardē kvepa (panašē kap sėtrėna).
Tasā žuolīns liekartsos ī. Anou lapus, ūglius taisa, ka būtom geresnis virškėnėms, jiedroms, ons maclīvs nug oždegėmu, vara mīžala ė prakāta. Ėš žalmedė žmuonis dėrb antas. Anou lapā gerā baida vabzdius, blosas, otės ė kėtuokius liūlius, tūdie anou lapās ėšded grindis, prided i līsvės.
Nūruodas
[taisītė | taisītė straipsnė wiki teksta]- theplantlist.org / Artemisia abrotanum L., onglėškā
- botanikos-sodas.vu.lt / Diemedis – Artemisia abrotanum L.
- rhs.org.uk / Artemisia abrotanum southernwood, onglėškā
- pfaf.org / Artemisia abrotanum – L., onglėškā