Žemės taukā
Žemės taukā (luotīnėškā: Phallus impudicus) ī tuokė najiedama, baisē smėrdontė grība.
Pradiuo žemės taukā ėšruod kap kuokis kiaušis, posiau ėšlindė̄s ėš žemės. Paskom ėš tuokės liorlas ėm rastėis ėlgs kuots, katros ėšruod balts ė lėnkts. Ont anuo vėršaus pasidara tuokė žvīnauta ė baisē smėrdontė keporė. Ta anuos smarvė trauk varmus, katrėi ėšnešiuo grības spuoras.
Aug žemės taukā nug lėipas lėgė siejė, daugomuo lapoutiu medies, parkūs, suodnūs, kūlīnūs.
Žmuonis ėš žemės taukū „liorlas“ ė „kiaušė“ liuob taisītė liekvarstus nug kaulu suopolė, puodagras.
