Žvagē
Tas straipsnis īr aple augala, katros lietoviu b. k. šaukiams čiožotė. Aple kėtas tap žemaitėškā šaukiamas žuolės veiziekėt žvagėnis.
Žvagē, kėtap žvagėnē, žvagėnis, žvagėlė, žvagėlis (luotīnėškā: Thlaspi arvense) ī tuokė laukū žuolie, katra muokslėškā prigol prī krīžmažėidiu augalū (Brassicaceae) šeimuos.
Tas vėinmetis žuolėškos augals ī. Žvagē ožaug lėg 21–80 cm aukštoma. Ė anūm lapā, ė stombris būn gelsvā žalės (juorėškas) barvas. Žīdia smolkēs baltās aba geltuonās žėidās nū gegožė lėg rogpjūtė. Vėins žvagis sobrondėn ~70 tūkstontiu sieklu. Kap anūm sieklas nūdžiūst, tap jėm žvagietė.
Žvagē gausē aug daržūs, ganīklūs, laukūs, tīrūs, anėm tink muolė dėrvas. Ta ī ikīrė piktžuolė. Daug žvagiu prijiėdė̄ gīvuolē gal` apsitrūčītė. Jēb žvagē pakliūn i rogius, tap douna palėik mielena.
