Tuanku Imam Bonjol (tubu di Bonjol, Luhak Agam, Pagaruyung, 1772 – monding di Lotta, Pineleng, Minahasa, tanggal 6 November 1864) ima sada ulama ni ugamo Silom, dohot ulubalang nadohot marporang malawan Bolanda, ima naditanda panjouanna Porang Padri ditaon 1803–1838.[1] Tuanku Imam Bonjol ditabalhon gabe Ulubalang Nasional Indonesia marhitehite tu SK Presiden RI Nomor 087/TK/Tahun 1973, tanggal 6 November 1973.[2]
Goar tulen ni Tuanku Imam Bonjol ima Muhammad Syahab, tubu di huta Bonjol, kabupaten Pasaman tanggal 1 Januari 1772. Nasida anak paduahon sian amangna margoar Bayanuddin Syahab dohot inangna margoar Hamatun. Amangna, Khatib Bayanuddin Syahab, sada ulama sian Sungai Rimbang, Suliki, Lima Puluh Kota.[3] Adong marpiga titel ni Muhammad Syahab, ima Peto Syarif, Malin Basa, dohot Tuanku Imam.[4]