An Lyorona
An Lyorona (An "An Parahibing Babayi" o "An Paraagrangay") sarong Mehikanong mito kan parabalos na kalag na sinasabing nag'eerok harani sa mga katubigan na nagmomondo kan saiyang mga aki na saiyang nilamos.
Ginikanan
[baguhon | baguhon an source]An amay na kapanahunang kolonyal an nagtao nin ebidensya na an lokton yaon sa pre-Hispaniko, na naggikan sa sentral na mga kalangkawan. Alagad, an Lyorona mas tigtatakod sa panahong kolonyal asin sa dinamiko sa pag'oltan kan mga Espanyol na conquistadores asin kan mga katutubong babayi. Kabali sa pinakakomun na lokton manongod sa Lyorona an saiyang inot na pagigin sarong Katutubong babayi na ikinagadan kan saiyang mga aki, na ipinangaki niya gikan sa sarong mayaman na Espanyol, matapos syang bayaan. An pinakamaraot na kalidad kan Lyorona, kaiba an paggadan sa omboy asin an paggadan sa sadiring kadugo an saro sa ipinamumugtak na konektado sa naratibo ki Doña Marina, na midbid man bilang La Malinche, o Maltinzin sa saiyang orihinal na nomenclature. Ngonyan, an istorya kan Lyorona mas midbid na marhay sa Mehiko asin sa Sur-solnopan kan Estados Unidos.
