Bobby Darin

Bobby Darin
Darin in 1959
KamundaganWalden Robert Cassotto
(1936-05-14)Mayo 14, 1936
New York City, U.S.
KagadananDesyembre 20, 1973(1973-12-20) (edad 37)
Los Angeles, California, U.S.
Trabaho
  • Musician
  • singer
  • songwriter
  • actor
Mga taon na aktibo1956–1973
Mga aki1
Musical career
Mga genre
Mga instrumento
  • Vocals
  • guitar
  • piano
  • drums
  • harmonica
  • xylophone
Mga tatak

Si Bobby Darin (namundag Walden Robert Cassotto; Mayo 14, 1936 – Desyembre 20, 1973)[1] sarong Amerikano musiko, parasurat-kanta, asin aktor. Siya nagtotogtog nin jazz, pop, rock and roll, folk, swing, asin country music.

Si Darin nagpoon kan saiyang karera komo paragibong-kanta ki Connie Francis. Si Darin kapwa-pigsurat asin pigrekord an enot niyang nag'abot-milyon na single, "Splish Splash", kan 1958. Iyan nasundan kan sadiri niyang kantang "Dream Lover", dangan kan "Mack the Knife" asin "Beyond the Sea", na nagdara saiya nin kanigoan na kabantogan sa bilog na kinaban. Kan 1962, si Darin nasikwit an Golden Globe Award para sa saiyang enot na pelikula, Come September, na kaibang pagbida saiya an enot niyang agom, aktres Sandra Dee.

Durante kan mga 1960, si Darin nagin aktibo sa politika asin nagtrabaho sa Partido Demokratikong kampanya presidensyal ni Robert F. Kennedy. Siya presente sa Ambassador Hotel sa Los Angeles kan momentong pag'asasinar ki Robert Kennedy kan Hunyo 1968. Kan taon na idto, nadiskubre ni Darin an nagpadakula saiya an saiyang lola, bako pala an saiyang ina, sak naaraman niya na an huna niyang tugang niya iyo pala an tunay niyang ina. An mga bagay na ining pagkakadiskubre niya nagkawsa sa saiya na mag'olmong nin solo-solo nin halawig na peryodo. [nangangaipo nin toltolan]

Buhay-bagsik

[baguhon | baguhon an source]

Si Darin may maluyang salud maski poon pa kan siya sadit pa. Siya gamay kan omboy pa, saka kan pag'edad walo, inaatake na siya kan helang na rheumatic fever na nagpaluya na gayo kan saiyang puso.[2] Durante kan enot niyang heart surgery kan Enero 1971, siya tinakodan nin artipisyal na mga balbula asin ta nagmalaymay siya nin bilog na taon huli sa operasyon.[nangangaipo nin toltolan]

Durante kan saiyang mga huring taon kan saiyang buhay, siya parati kinakatitan nin okseheno pakakaperform niya sa entabladop o sa pagpepelikula.

Kagadanan

[baguhon | baguhon an source]

Kan 1973, pakadai niya makatomar nin antibiotic proteksyon sa psuo niya bago siya magbisita sa dentista, sin Darin nagkaigwa nin inapod na sepsis, sarong sistemikong impeksyon na makuri na nagpaluyang marhay sa saiyang hawak masin naapektohan saiyang balbula sa puso. Kan Desyembre 11 kan taon na idto, siya naglaog sa Cedars of Lebanon Hospital sa Los Angeles para sa operasyon sa paghirarahay kan saiyang mga balbula sa puso na ikinabit saiya kan Enero 1971.[1] Kan bangging Desyembre 19, apat-katawong pag'iribang mga siruhano anom na oras siyang pigdamlagan sa paghirahay kan saiyang puso. Pakatapos kan operasyon agang amay kan Desyembre 20, si Darin binawian-buhay man girarayna daa na nagkamalay. Siya nagadan sa edad na 37.[3][4]

An ultimong kahagaran ni Darin na an siyang bangkay idonar sa sarong ospital para sa pag'aadal medikal, asin an saiyang walat sa pagkagadan dinara asiun pig'entrega sa UCLA Medical Center shortly after his death.[4]

Legasya

[baguhon | baguhon an source]

Kan 1990, si Darin ipig'ako sa lista kan Rock and Roll Hall of Fame, na an nag'ansunsyo kan onra iyo an saiyang ka-ugos na amigo na si Paul Anka.[5] Kan 1999, siya nabotohan na makalaog sa lista kan Songwriters Hall of Fame.

An parasurat-kanta na si Alan O'Day pigtsambit si Darin asin saiyang rekording na "Mack the Knife" sa kantang "Rock and Roll Heaven" (na nagputok sa pagkanta kaini kan the Righteous Brothers), ini bilang pag'umaw sa mga dipuntong musiko, na si O'Day minukna pakagadan sana ni Darin.

Kan Mayo 14, 2007, si Darin ginawadan premyo kan siya tina'wan nin bitoon sa Las Vegas Walk of Stars sa pag'ponra kan saiyang ambag sa pagpabantog kan Las Vegas bilang "Entertainment Capital of the World" asin nginaranan siya komo saro sa ika-20ng siglong mga mahusay na mga entertainers. Saiyang mga tagahanga iyo an nagbayad kan saiyang bitoon. Si Darin igwa man bitoon sa Hollywood Walk of Fame.

Kan Desyembre 13, 2009, sa 2010 na seremonya kan Grammy Awards, si Darin piggawadan nin postumang Lifetime Achievement Award kan Recording Academy.

Diskograpiya

[baguhon | baguhon an source]
Panginot na artikulo: Bobby Darin discography

Mga Studio album

Filmograpiya

[baguhon | baguhon an source]

Mga Pelikulang Siya Nagbida

Mga libro

[baguhon | baguhon an source]
  • Dodd Darin and Maxine Paetro: Dream Lovers: the Magnificent Shattered Lives of Bobby Darin and Sandra Dee. New York: Warner Books, 1994. ISBN 0-446-51768-2
  • David Evanier: Roman Candle: The Life of Bobby Darin. Albany, NY: SUNY Press, 2010. ISBN 978-1-4384-3458-2
  • Shane Brown: "Bobby Darin: Directions. A Listener's Guide: 2nd edition". 2018 ISBN 978-1790349470

Toltolan

[baguhon | baguhon an source]
  1. ↑ 1.0 1.1 Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na LarkinGE
  2. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na Sandra Dee
  3. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na ergmtkf
  4. ↑ 4.0 4.1 Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na NYT-Obit
  5. ↑ "Bobby Darin: inducted in 1990 | The Rock and Roll Hall of Fame and Museum". Rockhall.com. Retrieved August 17, 2015. 

Mga panluwas na takod

[baguhon | baguhon an source]
An Wikimedia Commons igwa nin medya dapit sa Bobby Darin.

Plantilya:Bobby Darin