Charles Prosper Wolff Schoemaker

The Villa Isola sa Bandung, pigdesenyo ni Wolff Schoemaker.

Si Charles Prosper Wolff Schoemaker (25 Hulyo 1882 – 22 Mayo 1949)^[1] sarong Olandes na arkitekto na nagdesenyo nin magkapirang mga distingidong edipisyo sa Bandung, Indonesya, kabarali na diyan an Villa Isola asin an Hotel Preanger.^[2] Siya naladawan na "an Frank Lloyd Wright nin Indonesya,"^[2] palibhasa si Wright dakulaon an impluensya sa mga mala-modernong mga desenyo ni Schoemaker.^[3] Maski ngani siya primeramente sarong arkitekto, siya saro pa man na pintor asin iskultor.

Kaamayi kan buhay asin pagtatalubo

Si Wolff Schoemaker namundag sa Plantilya:Illm, Indonesya sa isla nin Java, kun saen siya nag'estar haros bilog kan saiyang pagkabuhay. Sa sekundaryang edukasyon niya, siya pinadara sa KMA (Royal Military Academy) sa siyudad na Olandes nin Breda.^[4]

Kan 1905, nagbalik siya sa Dutch East Indies ta magtrabaho sa Royal Dutch East Indies Army bilang inhenyero militar. Kan 1911, paqkatapos kaining turno, siya nagin inhenyero sa Department of Civil Public Works sa Batavia (ngonyan, Jakarta), asin siya nangagin Director of Public Works kan 1914. Poon 1917 abot 1918, siya nagtrabaho sa Fa. Schlieper & Co asin nagpaadal saiya ini sa Amerika,^[1] kun saen nanumpongan asin naimpluensyang gayo kan mga desenyo ni Frank Lloyd Wright.^[5]

Mga gibo

• 
  Gedung Merdeka, Bandung
• 
  Katedral nin Bandung
• 
  Bio Farma, Bandung
• 
  Simbahan nin Bethel sa Bandung
• 
  Edipisyong Kologdam (Jaarbeurs), Bandung
• 
  Concordia cinema pigdekoraran nin klasikong Habanes payong kala na motif sa surungan.
• 
  Kodam III Siliwangi, dati Het Paleis van de Legercommandant.

Toltolan

1. (in Dutch) Wolff Schoemaker, Charles Prosper. Nederlands Architectuurinstituut. Archived from the original on 18 March 2014. https://web.archive.org/web/20140318014759/http://zoeken.nai.nl/CIS/persoon/2865. Retrieved on 28 July 2010. 
2. Jan van Dullemen (2010). "Tropical Modernity: Life and Work of C.P. Wolff Schoemaker". SUN architecture. Archived from the original on 25 September 2010. Retrieved 29 July 2010.  Unknown parameter |url-status= ignored (help)
3. Vu, Tuong; Wongsurawat, Wasana (2009). Dynamics of the Cold War in Asia: Ideology, Identity, and Culture. Macmillan. p. 64. ISBN 9780230621947. 
4. Cor Passchier:The quest for the ultimate architecture. Indonesia in the late colonial period, 2008. Retrieved 29 July 2010
5. https://prabook.com/web/wolff.schoemaker/1288895. Kinua 05-04-22.