Si Frances McKee (namundag 1966) sarong parakanta asin kompositor hale sa Scotland na midbid na gayo sa saiyang mga gibo sa Scottish indie na banda na The Vaselines.[1]
An pagka-imbwelto ni McKee sa musika nagpoon kan siya joven sa taon na 1980 kan makabisto niya si Duglas T. Stewart hale sa Bellshill. Kaiba si McKee asin an saiyang mga barkada na sina Norman Blake and Sean Dickson, Si Stewart nagbilog nin sarong grupo, midbid sa manlainlain na maiisog na pangaran bago mapili an ngaran na The Pretty Flowers. Mahilig magtugtug an grupo nin impromptu sa mga lokal na parke asin sa Bellshill's Hattonrigg Hotel. Si McKee nadesganar sa grupo pakatapos nindang maging bastante sa ngaran na The Pretty Flowers asin naghale. An grupo kan huri naging BMX Bandits.
An The Velselines pigbilog sa Glasgow, Scotland kan 1986. Si McKee asin Eugene Kelly an nagsurat haros gabos kan saindang materyal. Sa panahon na ini, nagpopoon nang makanood si McKee kun paano magtogtog nin gitara, na iyo an dahelan kun taano ta dakol na mga kanta kan The Veselines kan dekada 80 nagtatampok sana nin nagkapirang koro. Nagpirma sinda sa 53rd and 3rd asin sumunod na pinaluwas an duwang EPs, Son of a Gun asin Dying for it, asin an saindang pinakainot na album, Dum-Dum, kan 1989, nagsuruwayan an banda. Si Kurt Cobain kan Nirvana sarong dakulang tagahanga kan banda, naggibo siya nin cover kan tolo sa saindang mga kanta: "Moly's Lips", "Son of a Gun" asin "Jesus Wants Me for a Sunbeam". Nginaranan man nia an saiyang aking babae na kasunod kan ngaran ni Mckee. Si McKee asin Kelly nagkasaro giraray sa halipot na panahon kan 1990 tanganing magtogtog sa sarong palabas bilang suporta sa bandang Nirvana sa Edinburgh kan 1990. Ini an huring gigibohon ninda na magkaibanan sinda sagkod sa 2006.