Grace Noll Crowell
| Grace Noll Crowell | |
|---|---|
| Portrait of Grace Noll Crowell Grace Noll Crowell | |
| Minundagan | Grace Noll Crowell Oktobre 31, 1877 Inland Township, Cedar County Iowa, USA |
| Kagadanan | Marso 31, 1969 (edad 91) |
| Nilubongan | Sparkman-Hillcrest Memorial Park Cemetery sa Dallas, Texas |
| Kasibotan | Manrarawitdawit |
| Nasyunalidad | Amerikana |
| Agom | Norman H. Crowell |
Si Grace Nell Crowell (Oktobre 31, 1877 - Marso 31, 1969) sarong Amerikanong manrawitdawit, nagsurat kan 36 na libro nin mga tekstong inspirasyonal asin mga 5,000 na berso.[1] An saiyang trabaho nagluwas sa ginatos na magasin asin diyaryo.
Buhay, edukasyon, asin pamilya
[baguhon | baguhon an source]Si Crowell namundag Grace Noll sa Inland Township sa Cedar County, Iowa, kay Adam asin Sarah Noll. [2] Siya nag-adal sa kolehiyong Aleman-Ingles sa Wilton, Iowa, asin natawan siyang B.A. kan 1901. Sa taon man sanang idto, naagom niya si Norman H. Crowell, kun sain siya may tulong aking lalaki, si Dean, Reid, asin Norton. [1][2]
Si Crowell asin an saiyang agom nagbalyo sa Farmington, Minnesota, kun sain siya nagtatrabaho bilang teller kan bangko. Kan 1917, si Crowell asin an saiyang pamilya naglipat sa Texas, inot sa Wichita Falls, dangan sa Dallas, kun sain siya nag-istar sagkod na magadan. [1][2]
Mga Rawitdawit
[baguhon | baguhon an source]Inot na prinobaran ni Crowell an pagsurat nin rawitdawit sa edad na 8, alagad tinuyaw kan saiyang pamilya an saiyang espwerso. Sabi niya, "Dai na ako nagsurat makalihis kaidto hasta nag-abot sako an pagkamoot. Ini man pinadali asin napukawan an pagmawot na makasurat nin rawitdawit ulit."[3]
Kan 1906, pagkamundag kan saiyang inot na aki, siya nagkahilang nin grabe, asin dai na siya nakakahiro.[1] Sa panahon na ini nagpoon naman siyang magsurat nin rawitdawit asin an saiyang inot na berso, isinurat niya an "The Marshland", mantang siya nagpapakarahay. Sinabi ni Crowell na panginot na rason an halawig niyang pagtinir asin pagtios sa manlainlain na ospital kaya siya nagsurat nin mga bersikulo nin paglaom, pasensia, asin inspirasyon; sabi niya, "Pirmi ko naiisip, 'Boot kong magsurat nin rawitdawit na makakatabang sa mga tao na arog kong nagtitios.'" [4] Padagos siang nagsusurat, asin dakol sa saiyang mga gibo an sunod-sunod na ipinublikar sa mga bistong peryodiko.
An saiyang inot na libro nin tulang White Fire, na ipinublikar kan 1925, tinawan nin pinakainot na premyo hali sa Texas Poetry Society.[1]Kan 1935, nanombrahan siyang Poet Laureate kan Texas, sarong posisyon na kapot niya sa laog nin tulong taon.Tinawan siya nin onra bilang Golden Scrolls Medal of Honor bilang National Hero Poet kan 1938. Kan taon man sanang idto siya pinagdesignar na Amerikanong Ina kan Taon kan Golden Rule Foundation, asin an American Woman, sarong biograpikal na publikasyon, pigpili siyang saro sa sampulong Outstanding American Women. An Unibersidad nin Baylor tinawan siya nin honorary doctorate degree kan 1940.[1][2]
Mantang si Crowell nagiging bistado, binayaan kan saiyang agom an dati niyang karera tanganing mamaneharon an karera sa pagsurat ni Grace. Nag-ako siya si Grace nin kadakol na surat hali sa mga parabasa sa ano man na edad asin pinaghalian, asin kinua ni Norman mismo iyan tanganing maayos an komunikasyon na inaako ni Grace aroaldaw.[2]
Si Crowell nagsurat nin labing 35 libro nin rawitdawit, pati man mga istorya para sa mga aki asin relihiyosong debosyonal.[2] Inilustrar ni Lee Mero an nagkapira sa mga libro para mga aki. An saiyang Mga Awit Para sa Kosog nin Boot nagkaugwa nin 25 na pagprint. Nagpadagos siya sa pagsurat sagkod na 86 anyos siya. "An Obra Maestra nin Dios", sarong librong debosyonal an ultimo niyang ipinublikar bago siya magadan.
Kagadanan asin pamana
[baguhon | baguhon an source]Nagadan si Crowell kan Marso 31, 1969, sa edad na 91, asin inilubong sa Hillcrest Memorial Park Cemetery, sa Dallas, Texas. [<span title="This claim needs references to reliable sources. (July 2020)">citation needed</span>] An Let the Sun Shine In ipigpublikar pagkagadan niya kan 1970. Kan 1977 nagluwas an sarong paimprentahan kan liwat na 1965 koleksyon nin mga tula bilang The Eternal Things: The Best of Grace Crowell. Dawa ngani an panahon naghira saiya sa estado nin sarong menor na manrawawitdawit, siya napili kan America Publishers bilang saro sa sampulong lataw na Amerikanong Babae kan 1938, asin kan kaamayi nin 1940 inapod siyang "pinaka bisto na parasurat nin bersikulo sa Amerika". [<span title="direct quote needs ref (July 2020)">citation needed</span>] An saiyang tula na "Because of Thy Great Bounty" kabali sa 1985 Hymnbook kan An Simbahan ni Jesukristo nin mga Banal sa mga Huring Aldaw, sa irarom kan titulo na "Because I Have Been Given Much" piglaag sa musika ni Philip Landgrave. [1]
Mga Toltolan
[baguhon | baguhon an source]- ↑ 1.0 1.1 1.2 1.3 1.4 1.5 Grace Noll Crowell Papers #3359, The Texas Collection
- ↑ 2.0 2.1 2.2 2.3 2.4 2.5 Flowers, Betty S. (June 12, 2010). "Crowell, Grace Noll". The Handbook of Texas. Texas State Historical Association. Retrieved February 13, 2015.
- ↑ Stidger, William L.,The Human Side of Greatness, Harper Brothers, 1940, p. 180
- ↑ Stidger, William L.,The Human Side of Greatness, Harper Brothers, 1940, p. 185
Panluwas na mga takod
[baguhon | baguhon an source]- Grace Noll Crowell sa Find a Grave
Plantilya:Poets Laureate of TexasPlantilya:Poets Laureate of Texas
