James Bond
_-_Ian_Fleming.jpg)
An James Bond serye na nakatoon sa sarong piksyon na karakter na sarong ahenteng hilom na Briton na pigmukna kan 1953 kan parasurat na si Ian Fleming, asin ta ini saiyang itinampok sa doseng nobela asin duwang halipot na osipon. Poon kan magadan si Fleming kan 1964, walo pang autor an nagsururat nin autorisadong nobelang James Bond: Kingsley Amis, Christopher Wood, John Gardner, Raymond Benson, Sebastian Faulks, Jeffery Deaver, William Boyd, asin Anthony Horowitz. An pinakahuring nobela With a Mind to Kill na ki Anthony Horowitz, napublikar kan Mayo 2022. Dagdag pa, si Charlie Higson nagsurat nin seryeng hubin na James Bond, asin si Kate Westbrook nagsurat tolong nobela basado sa diary nin balik-balik na karakter, na si Moneypenny.
An karakter- midbid man sa numerong kodigo na 007 (sinasayod "double-O-seven")—ipigtampok man sa telebisyon, radyo, komiks, bidyong kawat asin pelikula. An mga pelikula saro sa pinakahalawig na nagpapasaleng serye asin ta nagbenta na nin sobra sa US$7.04 billion sa total, mala ta nakaiba sa ikalimang nagbenta sa pelikulang serye sa ngonyan, na nagpoon kan 1962 kan Dr. No, nagbida si Sean Connery bilang si Bond. Hanggan 2021, igwa nang duwang polo may lima (25) na mga pelikula sa Eon Productions serye. An pinakahuring pelikulang Bond, No Time to Die (2021), nagpapel si Daniel Craig sa ikalima niyang pagpostura bilang si Bond; siya an ika-anom na aktor na nagkawat bilang si Bond sa Eon na serye. Igwa man duwang independyenteng produksyon nagpaluwas nin mga pelikulang Bond: Casino Royale (1967 kalwag nagbibida si David Niven) asin Never Say Never Again (sarong 1983 na inutrong pelikula kan Eon kan mga 1965 Thunderball, pareho nagpapel si Connery). Kan 2015, an serye pinagkalkula na nagkahalaga na nin $19.9 billion,[1] na iyo an nagpako kan James Bond bilang iyo an pinakamabentang prankisang medya sa bilog na panahon.
Mga nagpapel na James Bond
[baguhon | baguhon an source]May anom nang aktor an nagpapel bilang si James Bond:
- Sean Connery (1962–1967; 1971; 1983)
- George Lazenby (1969)
- Roger Moore (gadan na) (1973–1985)
- Timothy Dalton (1987–1989)
- Pierce Brosnan (1995–2002)
- Daniel Craig (2006–sagkod ngonyan)
Igwa man bakong opisyal na mga aktor nagpapel bilang James Bond sa mga pelikulang ini:
- Barry Nelson (1954) - Casino Royale
- David Niven (1967) - Casino Royale
Si Sean Connery bilang James Bond nagbalik kan 1983 sa Never Say Never Again poon kan siya nagpondo na kan 1971 sa Diamonds are Forever.
| Blg. | Titulo | Taon | Aktor |
|---|---|---|---|
| 1 | Dr. No | 1962 | Sean Connery |
| 2 | From Russia with Love | 1963 | Sean Connery |
| 3 | Goldfinger | 1964 | Sean Connery |
| 4 | Thunderball | 1965 | Sean Connery |
| 5 | You Only Live Twice | 1967 | Sean Connery |
| 6 | On Her Majesty's Secret Service | 1969 | George Lazenby |
| 7 | Diamonds are Forever | 1971 | Sean Connery |
| 8 | Live and Let Die | 1973 | Roger Moore |
| 9 | The Man with the Golden Gun | 1974 | Roger Moore |
| 10 | The Spy Who Loved Me | 1977 | Roger Moore |
| 11 | Moonraker | 1979 | Roger Moore |
| 12 | For Your Eyes Only | 1981 | Roger Moore |
| 13 | Octopussy | 1983 | Roger Moore |
| 14 | A View to a Kill | 1985 | Roger Moore |
| 15 | The Living Daylights | 1987 | Timothy Dalton |
| 16 | Licence to Kill | 1989 | Timothy Dalton |
| 17 | GoldenEye | 1995 | Pierce Brosnan |
| 18 | Tomorrow Never Dies | 1997 | Pierce Brosnan |
| 19 | The World is Not Enough | 1999 | Pierce Brosnan |
| 20 | Die Another Day | 2002 | Pierce Brosnan |
| 21 | Casino Royale | 2006 | Daniel Craig |
| 22 | Quantum of Solace | 2006 | Daniel Craig |
 |
An Wikimedia Commons igwa nin medya dapit sa James Bond. |
Toltolan
[baguhon | baguhon an source]- ↑ Adejobi, Alicia (27 October 2015). "Spectre movie: James Bond brand worth £13bn off the back of monster box office and DVD sales". International Business Times. Retrieved 15 January 2017.
