Jeff Bezos
| Jeff Bezos | |
|---|---|
 Bezos kan 2015 | |
| Kamundagan | Jeffrey Preston Jorgensen Enero 12, 1964 Albuquerque, New Mexico, U.S. |
| Alma mater | Princeton University |
| Trabaho | Technology and retail entrepreneur and investor |
| Midbid bilang | Kagmukna kan Amazon.com |
| Yaman | US$114.7 billion (January 2018)[1] |
| Agom | [2] |
| Mga aki | 4[3] |
Si Jeffrey Preston Bezos (/ˈbeɪzoʊs/; né Jorgensen;namundag Enero 12, 1964) sarong Amerikanong entrepreneur sa teknolohiya asin sa pagtindang mga libro asin kun ano-ano pang merkansya. Siya saro man na inhenyero elektrikal, sayantista sa kompyuter asin pilantropo. Siya midbid na gayo bilang iyo an kagtogdas, pamayo asin mayor na nagpapadalagan kan Amazon.com, an pinakadakulang kompanya sa bilog na kinaban na nagpoon bakalan on-line nin mga libro asin ngonyan dinadara na an mga sari-saring merkansya.[4]
Namundag sa Albuquerque, asin nagdakula sa Houston, si Bezos nagtapos sa Princeton University kan 1986 sa kursong electrical engineering asin computer science. Dangan nagtrabaho sa Wall Street sa iba-ibang katongdan poon 1986 abot 1994. Si Bezos tinogdas an Amazon.com kan taon 1994. An kompanya nagpoon bilang sarong paratinda sa Internet nin mga libro asin nagpahiwas nin paninda na iba-ibang produkto asin mga serbisyo arog kan mga produktong elektroniko, mga gubing, mga muebles, mga gamit sa opisna asin kun ano-ano na lang. Sa presente naglaog na an kompanyang ini sa produktong video asin audio streaming. Ini na an pinakadakulang kompanya sa kinaban na nagbebenta on-line asin nagbenta pa nin mga serbisyo sa "cloud infrastructure" paagi kan kompanyang Amazon Web Services. Iba pang mga inversion niya yaon inagi sa Bezos Expeditions.[5][6]
Orog na nagsanga an saiyang mga palakaya sa pagtogdas niya kan kompanya sa aerospace, an Blue Origin kan taon 2000 asin pagbakal kan peryodikong The Washington Post kan 2013 sa halagang $250 milyon na binayadan sulbod-siko. An Blue Origin nagpoon nang mga test flight sa espasyo kan 2013 asin hinihiling na makakapadara nin pasahero sa 2018 sa mga komersyal na paglayog sa espasyo sa taas nin kinaban. Tinatayang $114.7 bilyon na an saiyang yaman kan Enero 2018.[7][8]
Mga panluwas na takod
[baguhon | baguhon an source]Toltolan
[baguhon | baguhon an source]- ↑ "Jeff Bezos". Forbes. Retrieved January 12, 2018.
- ↑ Bayers, Chip. "The Inner Bezos". Wired. Retrieved August 10, 2013.
- ↑ "Jeff Bezos Fast Facts". CNN. 2016. Retrieved March 7, 2017.
- ↑ [1][permanent dead link]. www.ted.com.Kinua 27-01-18
- ↑ https://www.biography.com/people/jeff-bezos-9542209] www.biography.com. Kinua 27-01-18
- ↑ [2]www.inc.com. Kinua 27-01-18
- ↑ [3]www.buasinessinsider.com. Kinua 27-01-18
- ↑ [ https://www.cnbc.com/2018/01/09/jeff-bezos-is-now-the-richest-of-all-time--sort-of.html]www.cnbc.com[permanent dead link]. Kinua 27-01-18
