John Wilkes Booth
Si John Wilkes Booth (Mayo 10, 1838 – Abril 26, 1865) sarong aktor sa entablado na iyo an nag'asisinar ki Presidente Abraham Lincoln kan Estados Unidos duman sa Ford's Theatre, sa Washington, D.C., kan Abril 14, 1865. Si Booth kaayon sa pamilyang Booth na prominente sa teatro, gikan sa Maryland. Pagtongtong kan mga taon na 1860, siya bantogan nang aktor, na bisto sa Amihanan na parte kan Estados Unidos asin Habagatan kaini. Siya midbid na andoyog nanggad sa mga Confederado asin matuyaw na gayo sa administrasyon ni Lincoln. Siring man dai niya maako-ako na nadaog an mga Confederado duman sa inaapod na Gera Sibil nin mga Amerikano. Nakikipagngutiil na gayo siya sa kaisipan ni LIncoln na rumpagon na an institusyon nin kaoripnan asin malungkas na an mga Negro. Orog pa, habo ni Booth na mata'wan an mga Negro nin sufragio sa pagboto.
Mga panluwas na takod
[baguhon | baguhon an source]- An buhay-buhay ni John Wilkes Booth- http://rogerjnorton.com/Lincoln72.html
