Jānis Frīdrihs Baumanis

Jānis Frīdrihs Baumanis
Jānis Frīdrihs Baumanis
KamundaganMayo 23, 1834
Riga, Imperyong Ruso
(ngonyan Letonia)
KagadananMarso 19, 1891(1891-03-19) (edad 56)
Riga
NasyunalidadLeton

Si Jānis Frīdrihs Baumanis (o, Johann Friedrich Baumann, Mayo 23, 1834, Riga – Marso 19, 1891, Riga) sarong Leton, Baltik Aleman na arkitekto. Siya an enot na propesyonal na arkiktektong Leton. Si Baumanis pigdesenyo an Riga Circus kan 1888.[1] Siya responsable sa magkapirang importanteng mga pampublikong edipisyo na eklektikong desenyo pinagtugdok kan pangduwang kabangaan nin ika-19ng siglo sa Riga.

Biograpiya

[baguhon | baguhon an source]

Si Jānis Frīdrihs Baumanis namundag kan 1834 sa Riga, aki nin paralantsa. Kan siya hubin, nagpoon siyang trabaho bilang panday. Sa Riga siya nareparo kan si arkitektong taga-St. Petersburg na si Ludvig Bohnstedt. Sa suporta kaini si Baumanis naka'adal sa Bauakademie sa Berlin (1860–62) asin sa St. Petersburg Academy of Arts (1862–65). Pakatapos kaini, siya arkitekto sa gobyerno sa Livland (ngonyan Vidzeme) sagkod na siya nagkaigwang sadiring praktis sa Riga.

Si Baumanis nagkaigwa man nin magabat na papel sa historya nin kultura sa Latvia. Kan 1862 siya nagtabang makaag an pinakaenot na Kaburunyogan nin mga Arkitektong Ruso sa St. Petersburg. Kan 1879 siya naimbwelto man sa pagtugdas kan Unyon nin mga Arkitektong mga taga-Riga (Rigaer Architekten=Verein). Dagdag pa, kan 1868, siya nagtabang matugdas an Unyon nin mga Leton sa Riga.

An mayor na kasibotan niya iyo an may relasyon sa mga pader na pangdepensa sa Riga. An mga pader ginaraba', gibo sa baybay, kan katahawan nin ika-19ng siglo asin mga tinampo pigplano niya man. Siya an nagdesenyo kan 40% kan mga edipisyo sa lugar na ini. An mga edipisyo niya mga eklektiko, kumbinasyon nin mga elemento na Neo-Renasimyento asin Neo-Gotiko sa desenyo.

Siya man an nagdesenyo kan Alexanders Gymnasium (pansekundaryang eskwelahan) sa Riga, ngonyan Latvian Academy of Music, kan 1870-75.

Poon 1887 abot 1888 si Baumanis responsable sa edipisyo kan Riga Regional Court na yaon sa 34 Brīvības Blvd. Sa konstruksyon kaini siya nagguno sa impluwensya na klassikal asin Barokong impluwensya sa mga surungan kaini. An estruktura nag'ani para saiya nin dakulang umaw bako sana sa eksterior kundi sa interior na desenyo.[2]

Sa kagabosan siya nagdesenyo nin 17 simbahan na Orthodox sa parteng sulnopan nin Estonia asin Vidzeme asin sobra sa 150 na edipisyo sa Riga.[3]

Galeriya

[baguhon | baguhon an source]
  • Mansion ni Emma Menzendorf (ngonyan Embahada nin Pransya)
    Mansion ni Emma Menzendorf (ngonyan Embahada nin Pransya)
  • Edipisyo nin Riga Regional Court
    Edipisyo nin Riga Regional Court
  • The Saeima (House of the Livonian Noble Corporation): Baumanis and R. Pflug)
    The Saeima (House of the Livonian Noble Corporation): Baumanis and R. Pflug)
  • Interior kan House of the Livonian Noble Corporation
    Interior kan House of the Livonian Noble Corporation
  • House of the Livonian Noble Corporation, eksterior na ta'nawon
    House of the Livonian Noble Corporation, eksterior na ta'nawon
  • Edipisyo sa Merķeļa street 12, Riga (1881)
    Edipisyo sa Merķeļa street 12, Riga (1881)
  • Edipisyo sa Raiņa boulevard 11, Riga. (1867)
    Edipisyo sa Raiņa boulevard 11, Riga. (1867)

Toltolan

[baguhon | baguhon an source]
  1. ↑ "Circus history". Riga Circus. Archived from the original on August 10, 2015. Retrieved October 3, 2015. 
  2. ↑ "Riga Regional Court". Riga Regional Court. Archived from the original on February 26, 2009. Retrieved March 14, 2009.  Unknown parameter |url-status= ignored (help)
  3. ↑ "Latvijas Pasts makes addition to series Republic of Latvia – 100 by releasing three stamps dedicated to Latvian architects". Latvijas Pasts. November 11, 2015. Retrieved December 17, 2020.