Kapistahan nin Higanteng Parol

An Kapistahan nin Higanteng Parol o Giant Lantern Festival (Kapampangan: An Ligligan Parul) sarong taonan na kapistahan ginigibo sa katahawan kan Disyembre sa Ciudad nin San Fernando sa Pilipinas. Itinatampok kan kapistahan an sarong kompetisyon nin dakulaon na mga parol. Huli sa popularidad kan kapistahan, an siyudad binansagan na " Christmas Capital of the Philippines."

An Central Luzon Television iyo an opisyal na kampyon sa telebisyon kan kapistahan poon pa kan 2008.

Uusipon

An industriya kan San Fernando sa parol nagbuswang hale sa Giant Lantern Festival kan San Fernando. An festival, na piggigibo lambang Disyembre, naghahali sa Bacolor kun saen mas simpleng gayo an aktibidad. Kasunod kan pagbalyo kan kapitolyo probinsyal poon Bacolor abot San Fernando kan Agosto 1904, sinundan man an pangyayaring ini. Sinasabing "Ligligan Parul" an nagpoon sa San Fernando kan 1904. Alagad an iba nagsasabi na an "Ligligan Parul" dai man nangyari tulos pakatapos kan paglipat asin an totoo, nagpoon kan 1908.