Kutsinta

An puto kutsinta o kutsinta sarong tipo nin puto na mahihiling sa bilog na Pilipinas. Gibo ini gikan sa pinaghalong balinghoy o harinang-bagas, pulang asukar asin lihiya, na pinaarok nin giyaw na pangkulay o katas kan annatto, asin pinasangaw sa mga sararadit na ramekin. Tinatabunan an mga nilutong kakanon nin kakakadkad na laman kan hinog na niyog.^[1] Bilog na taon kinakakan ini sa bilang mirendal, asin haros na pinapabakal kaiba kan puto. Bakong arog kan katampad kaini, na igwang malamasang habi, an kutsina, malahalaya asin mangunguya. Pwede man ining pasiramon sa pagdadagdag kan latik para maghamis ini.

Paghahanda

Dagdagan nin tubig-lihiya an natunaw na pulang asukar. Pagkatapos, ihalo ini sa harinang-mapulot asin harinang-bagas sagkod matunaw na ining marhay. Salaon tapos halion an mga limpak; pwedeng dagdagan ini nin likidong pang-arok-pula. Pahidan an kinorte kan langis-gulay asin pasangawon ini sagkod mamuo an tuktok pag kinaputan. Matapos halion hali sa init, paliputon ini bago tanggalon ini nin espatula gikan sa hulma. Panghuri, talbungan ini nin pigkadkad na niyog o gamiton ini bilang dutdutan.^[2]

Hilingon man

• Puto

Toltolan

1. del Mundo, Angelita M. "Emerging Versions of Some Traditional Philippine Rice Food Products." Disappearing Foods: Studies in Foods and Dishes at Risk: Proceedings of the Oxford Symposium on Food and Cookery. 1994
2. "KUTSINTA". My Style Recipe. Retrieved September 13, 2018.