Larry Sanger
| Larry Sanger | |
|---|---|
 Sanger in July 2006 | |
| Kamundagan | Lawrence Mark Sanger Hulyo 16, 1968 Bellevue, Washington, U.S. |
| Dinakulaan | Columbus, Ohio, U.S. |
| Alma mater | The Ohio State University (PhD, MA) Reed College (BA) |
| Trabaho | Internet project developer |
| Midbid bilang | katuwang kagtogdas kan Wikipedia |
| Websityo | |
| LarrySanger.org | |
Si Lawrence Mark "Larry" Sanger /sæŋər/ (namundag Hulyo 16, 1968) sarong Amerikanong developer nin mga proyektong pan-internet, katuwang-kagtogdas kan Wikipedia, asin kagtogdas kan Citizendium. Siya namundag sa Bellevue, Washington. Sa hubin pang edad siya dati nang interesado sa pilosopiya mala ta nagkua siya nin Batsilyer sa Arte nin pilosopiya hale sa Reed College kan 1991 asin Doktorado sa Pilosopiya nin pilosopiya hale sa Ohio State University kan taon 2000. Sinasabing kadakulan kan saiyang obra panpilosopiya dapit sa epistemolohiya, an teoriya nin kaaraman.[1][2]
Si Sanger namundag kan Hulyo 16, 1968 sa Bellevue, Washington. An ama niya sarong biologong marino asin an ina niya taga'asikaso sa harong. Nagtapos siyang sekundarya kan 1968 asin nagpadagos sa kolehiyo sa pagkuang kurso dapit sa pilosopiya mala ta tapos siya sa doktorado sa pilosopiya sa Ohio State University[3]
Karera
[baguhon | baguhon an source]Siya imbwelto sa manlaenlaen na proyektong ensiklopedyang on-line. Siya an dating pamayong editor kan Nupedia, mayor na tagamukna (2001-02) kan suminunod igdi na iyo an Wikipedia asin kagmuknang pamayong editor kan Citizendium. Sa saiyang kamugtakan sa Nupedia saiyang binilog an proseso nin pagpalakbang kan mga artikulo igdi. Si Sanger iyo an enot na nagswestyon na magkaag nin wiki na iyo an kinapo'nan kan pagkamukna kan Wikipedia. Dati, an Wikipedia saro sanang sangang proyekto kan Nupedia. Si Sanger man an pinaka-amay na lider sa komunidad kan Wikipedia asin iyo an kagpoon asin kagmukna kan mga orihinal na polisya kaini.
Si Sanger huminale sa Wikipedia kan 2002 asin poon kaidto pirmi nang matuyaw kan proyektong ini. Sinasabi niya na maski anong sabihon pa kan merito kaini, an Wikipedia nagkukulang sa kredibilidad huli ngani ta dai ining pagtaong ganan sa kabatiran nin hararom na adal. Natuyaw niya man na an Wikipedia mayong kontrol sa pagpalaog nin mga kontribusyon na haros mga pornograpiya na[4]. Kan Oktobre 2006, si Sanger nagpoon nin proyekto na may pagka'agid sa Wikipedia, na iyo an Citizendium, na dai man ngane nagin popular asin dai nagkaigwang mahiwas na suporta sa mga para'ambag na mga editor.
Si Sanger nagtokdong pilosopiya sa Ohio State UNiversity, asin amay na taga-estratihiya sa Encyclopedia of Earth na naka-angkla sa mga ambag nin mga eksperto. Nagtrabaho man siya sa pagpagantad nin mga proyektong pang-edukasyon sa likod kan proyektong WatchKnowLearn. Nagdesenyo man siya nin programa nin pagbasa nakabase sa web para sa mga kaakian. Kan Pebrero 2013, nagngata' siyang magpoon nin pambareta na proyekto na nangaranan Infobitt paagi sa inapod na crowdsourcing alagad sa katangaan nin 2015 naubusan na nin pondo kaya dai na nakadaragos.[5]
Toltolan
[baguhon | baguhon an source]- ↑ http://www.thefamouspeople.com/profiles/larry-sanger-6524.php Kinua 04-05-17
- ↑ https://www.vice.com/en_us/article/wikipedias-co-founder-is-wikipedias-biggest-critic-511 Kinua 03-05-17
- ↑ http://www.thefamouspeople.com/profiles/larry-sanger-6524.php Kinua 04-05-17
- ↑ http://larrysanger.org/2012/05/what-should-we-do-about-wikipedias-porn-problem/ Kinua 04-05-17
- ↑ op.cit.
