Mahamadou Issoufou

Si Mahamadou Issoufou (namundag 1951) sarong Nigerien na pulitiko na Presidente Niger poon pa kan 7 Abril 2011. Si Issoufou Primer Ministro kan Niger poon 1993 abot 1994, Presidente kan Asambliya Nasyunal poon 1995 abot 1996, asin ta siya pirming kandidato sa lambang eleksyon presidensyal poon pang 1993. Namayo siya kan Partido Nigerien para sa Demokrasya asin Sosyalismo (PNDS-Tarayya) pakapoon kan ini natogdas kan 1990 sagkod na siya naelihir na Presidente kan Niger kan 2011. Durante kan administrasyon ni Mamadou Tandja (1999–2010), si Issoufou iyo an mayor na oposisyon.^[1]^[2]

An Komisyon Elektoral kan Niger pinagbantolin na si Mahamadou Issoufou an guminana sa ikaduwang hurnada kan eleksyon na nasikwit an 92.5% kan boto alagad an oposisyon nagboykot kaini asin nagdeklara na dai ninda aakoon asin bibistohon an siring na resulta.^[3]

Pamilya asin Enot na Pigsibotan

Si Issoufou sarong etnikong Hausa, namundag sa banwa nin Dandaji sa Departamento Tahoua. Saro siyang inhenyero (Ingénieur Civil des Mines de St Etienne) na nagsirbe bilang Direktor Nasyunal poon 1980 abot 1985 bago siya nagin Sekretaryo Heneral kan Mining Company of Niger. An naagom iyo si Aïssata Issoufou, na naduwahan kan agom niyang si Dr Malika Issoufou Mahamadou.

Toltolan

↑ http://www.reuters.com/article/us-niger-president-idUSKCN0WO2HW Kinua 24-3-16
↑ http://www.breakingnews.com/item/2016/03/22/niger-president-mahamadou-issoufou-wins-re-electio/ Kinua 24-3-16
↑ [1] Oposisyon dai inako resulta kan ika-2ng hurnada sa eleksyon. Kinua 25-3-16.

Sarong tamboan an artikulong ini. Makakatabang ka sa Wikipedia sa pagpoon kaining pahina.

[1] ttp://www.reuters.com/article/us-niger-president-idUSKCN0WO2HW Kinua 24-3-16

[2] ttp://www.breakingnews.com/item/2016/03/22/niger-president-mahamadou-issoufou-wins-re-electio/ Kinua 24-3-16

[3] [1] Oposisyon dai inako resulta kan ika-2ng hurnada sa eleksyon. Kinua 25-3-16.

[1]

[2]

[3]