Marcial Maciel

Si Marcial Maciel

Si Marcial Maciel Degollado (Marso 10, 1920 – Enero 30, 2008) sarong Katolikong pading Mehikano na iyo an kagtogdas kan asosasyon seglar na Regnum Christi asin kan kongregasyon katólika na Legión de Cristo. Siya nagserbing Direktor Heneral kan Legion poon 1941 abot 2005. Hinihiling siya bilang iginagalang na padi sa haros lawig kan saiyang karera asin komo "pinakamakusog na tagatipon pondo para sa modernong simbahan Katoliko Romano" asin mahigoson na taga'alok nin mga bagong seminarista para sa pagpadi. Alagad, sa ultimong parte kan saiyang buhay siya nabuyagyag na nan'abuso sekswal sa mga kaakian asin mga bagongtawo, dangan pa nagmantener nin relasyon sa duwang babae asin nagin ama sa anom na mga aki, na an duwa pa kaini saiya man na inabuso.^{[1] [2]}

Kan taon 2006, si Papa Benedicto XVI hinaklas siya sa katongdan nin aktibong pagmiministro resulta kan mga imbestigasyon na napo'nan pa sa irarom ni Papa Pablo II manongod kan saiyang mga maling gawe. Si Maciel pinagmandohan "na magretiro sa buhay nin pagpapangadye asin pagsolsol, asin dai na magkapot nin pagmiministro sa publiko noarin pa man." Nagadan si Maciel kan taon 2008 sa Jacksonville, Florida asin an saiyang mortal na hawak nahohotad sa saiyang banwaan nin Cotija de la Paz, Michoacán (Mexico).

Kan Marso 25, 2010, nagpaluwas nin patalastas an Legion ni Cristo sa websityo kaini na hayag na pigbisto asin inaaako an katotohanan kan mga gaweng kabuktotan ni Maciel, siring sa pag'abuso sekswal sa mga menor de edad na mga seminarista. Kan Mayo 2010, an Vaticano pigdenunsya an mga gawe-gawe ni Maciel asin nagnombra nin Delegado Papal na mamangno kan orden asin kan paggogobyerno kaini.^[3]

Toltolan

1. https://www.ncronline.org/news/accountability/money-paved-way-maciels-influence-vatican Archived 2019-02-11 at the Wayback Machine. Kinua 1-02-17
2. http://news.bbc.co.uk/2/hi/europe/8656085.stm Kinua 1-02-17
3. https://web.archive.org/web/20140305161449/http://www.legionariesofchrist.org/eng/articulos/categoria_secc.phtml?lc=se-238_ca-886_ci-887&width=1280&height=1024 Kinua 1-02-17