Oolohiya

Kuleksyon nin sugok-gamgam, mga tanga kan ika-19ng Siglo

An Oolohiya sarong sanga sa Ornitolohiya na iyo an pag'adal kan mga sugok nin gamgam, kan mga tataghan o salagan kaini asin pagmamaro' kaini. An tataramon na ini guminikan sa Griyegong katagang "oion", boot sabihon "sugok". An adal na ini pwede man dapit sa lingaan na pagkolekta o pagdamot nin mga sugok kan mga layas na gamgam, sarong pagsibot na ngonyan ilegal na sa dakul na mga hurisdiksyon. [1][2][3]

Pagkolektang sugok

[baguhon | baguhon an source]

An pagkolekta nin mga sugok, orog na kan mga layas na gamgam, sarong lingaan kan mga kaamayan kan ika-20ng Siglo alagad an lingaan na ini pigpawaraan nang saysay ta nagtataong peligro sa padagos na pagdakul kan mga gamgam na layas na namemeligrong mapuho.

Lehislasyon arog kan Protection of Birds Act 1954 asin Wildlife and Countryside Act 1981 sa Reyna Unido pinagbawal na nanggad an pagkolekta maliban sana kun may permiso para sa syantipikong pag'adal asin siring man an pagpabakal kan mga nasabing sugok ipinapangalad nang gayo.[4]

Toltolan

[baguhon | baguhon an source]
  1. ↑ http://www.birds.com/blog/oology-%E2%80%93-the-study-of-bird-eggs/ Kinua 10-05-17
  2. ↑ https://www.collinsdictionary.com/dictionary/english/oology Kinua 10-05-17
  3. ↑ http://www.rspb.org.uk/our-work/our-positions-and-campaigns/positions/wildbirdslaw/wildbirdcrime/egg_collection.aspx Kinua 10-05-17
  4. ↑ http://www.rspb.org.uk/our-work/our-positions-and-campaigns/positions/wildbirdslaw/wildbirdcrime/egg_collection.aspx Kinua 10-05-17