Otto Warmbier
| Otto Warmbier | |
|---|---|
| Kamundagan | Otto Frederick Warmbier Desyembre 12, 1994 Cincinnati, Ohio, U.S. |
| Kagadanan | Hunyo 19, 2017 (edad 22) Cincinnati, Ohio, U.S. |
| Nasyunalidad | Amerikano |
| Edukasyon | Wyoming High School (2013) |
| Alma mater | University of Virginia |
| Midbid bilang | Pig'aresto asin pigkarsel sa Norte Korea |
Si Otto Frederick Warmbier (WARM-beer;[2] Desyembre 12, 1994 – Hunyo 19, 2017) sarong estudyanteng Amerikano sa kolehiyo na pinagpreso kan Norte Korea poon Enero 2016 abot Hunyo 2017 kan masentensyahan huli sa mga "aktong pang'iiwal" laban sa nasyon na Norte Korea. Si Warmbier, edad pa sanang 21 anyos, nagkumpisal na nag'ikit nin poster nin propaganda pulitikal asin huli kaini pigsapawan sentensyang 15 anyos na pagkakulong. Sinasabing an Estados Unidos naghimo paaging mga diplomatikong pakiki'ulay sa nasyon Norte Korea na mapabutsan sa pagkapreso si Warmbier kuta alagad mayong nangyari. Sarong parataram sa Departamento Estado kan E.U. nagtaram na an maringis na trato ki Warmbier balos sana kan Norte Korea sa ginigibong paghihigot sa nasyon na ini huli sa mga nuklear na aktbidad na pigkokondenar kan Estados Unidos. Sabi kan ama ni Warmbier an pangumpisal kaini pinirit sana saiya asin siya dinukot kan gobyerno Norte Korea bilang alas na panlaban sa Amerika.[1][2]
Inule si Warmbier kan gobyerno Norte Korea sa Estados Unidos kan Hunyo 2017 pakalihis 18 bulan na pagkakulong asin si Warmbier nahulog na sa makuring pagkabiyade sa isip ta na-coma na. Sabi kan mga otoridad sa Norte Korea an pagka-coma ni Warmbier resulta kan sinapo na botulismo asin pagtomar sleeping pill alagad an mga otoridad Amerikano dudang gayo kan mga sinasabi kan mga Norte Koreano. Nag'abot si Warmbier sa Cincinnati, Ohio kan Hunyo 13 asin idinalagan tolos sa University of Cincinnati Medical Center sa maninigong medikal na pagasikaso asin pagbulong. Siya nadiagnose na siya nagsapo nin makuring helang neurological. An saiyang ama nagtutubod na an aki niya pigparakadog na daing siring sa pagiisip.[3]
Si Warmbier nagadan kan Hunyo 19, 2017, anom na aldaw kan siya ibinalik sa Estados Unidos.[4]
