Pagi
An pagi sarong klaseng sira na lapnad, may ikog na may mga tunok-tunok sa duwang gilid kaining ikog, asin medyo turu-tulangon an kahawakan. Ini kairiba kan mga pating, pinagpipisan sa suborder Myliobatoidei kan order Myliobatiformes asin sa lindong kaini may walong pamilya: Hexatrygonidae (sixgill stingray), Plesiobatidae (deepwater stingray), Urolophidae (stingarees), Urotrygonidae (round rays), Dasyatidae (whiptail stingrays), Potamotrygonidae (river stingrays), Gymnuridae (butterfly rays), asin Myliobatidae (eagle rays).[1]
An mga tarom-tarom sa gilid kan ikog pangsagang ninda sa peligro, panlaban kun may kaiwal. An mga tunok naabot 35 sentimetro (14 pul) sa ibang species ngani asin an mga tunok garo gari'gi na lagadi. Sa irarom kan mga ini may glandulang may hilo. Totoo igwang magkapitrang myembro sa suborder na mayong mga tunok sa ikog, arog kan inapod na manta asin porcupine rays.
An nguso kaini yaon sa irarom kan kalapnadan niya asin an kinakakan kan pagi mga sira mansana sa dagat arog kan mga kasag, mga talaba, mga pasayan, asbp. Pero an duwang mata namugtak sa ibabaw alagad dai man daang gayo ginagamit ini sa pagmaan kan madadakop niyang kakanon ta mas nasarig sa namamate kaining enerhiyang elektrikal hale sa mga nagdadangadang na mga hayop. .An lawig kan buhay ninda yaon sa pag'oltan 15 abot 25ng taon. Nalaba an mga ini mga 6.5 na pye asin nagkakaigwang timbang na 790ng libra.).[2][3]
-
Binarbekyung pagi, tinitinda sa Singapur, Malaysia -
Pagi, tinitinda sa Syudad nin Naga, Bicol -
Sa Stiongray City sa Grand Cayman kun saen mga paralangoy pwede makilangoy-langoy sa pagi saka bahogon ini. -
Pitaka gibo sa pagi -
Early Eocene fossil kan paging Heliobatis radians
Toltolan
[baguhon | baguhon an source]- ↑ www.nationalgeographic. Kinua 10-03-17
- ↑ www.nationalgeographic .Kinua 10-03-17
- ↑ kids.nationalgeographic.com Archived 2017-10-01 at the Wayback Machine.. Kinua 10-03-17
