Pagkadesganar
Sa sikolohiya, an pagkadesganar sarong komun na emosyonal na reaksyon sa oposisyon, may koneksyon sa kaanggotan, pagkauyam asin pagkasudya. Nagbutwa an pagkadesganar sa pinaghohonang pagsayuma na maotob an kabotan o katuyohan nin sarong indibidwal asin posibleng marhay na madagdagan kun dai o olangon an kamawotan.[1] Igwa nin duwang klase nin pagkadesganar: panlaog asin panluwas. An panlaog na pagkadesganar posibleng maglataw gikan sa mga agyat sa pag-otob kan personal na mga katuyohan, kamawotan, natural na pagmawot asin pangangaipo, o instinctual drives asin mga pangangaipo, arog baga nin kadaihan, kawàran nin kompyansa o takot sa sosyal na mga situwasyon. An conflict, arog baga kun an sarong tawo igwa nin magkakakontrang mga katuyohan na nakaoolang sa lambang saro, pwede man na magin panlaog na gikanan nin pagkadesganar o pagkauyam asin pwedeng magbunga nin cognitive dissonance. An mga panluwas na mga causa nin pagkadesganar kabali an mga kamugtakan na dai kontrolado kan indibidwal, arog baga nin pisikal na kaolangan, depisil na trabaho, o pagsayang nin panahon. Igwa nin nagkapirang paagi na inaatubang nin mga indibidwal na nakakaranas nin pagkadesganar arog baga nin pagigin passive - agresibong gawe, kaanggotan, o kadahasan, minsan ngani posibleng magin dahelan man iyan nin pagkadiskontento tanganing orog pang maghingoa asin magmaigot.[2] Sa mahiwas na potensyal na kaluluwasan na resulta kaini, nagigin depisil para sa sato na maaraman an orihinal na dahelan nin pagkadesganar pagkasudya kan mawot, huli ta posibleng bakong direkta an mga simbag. Minsan siring, an mas direkta asin komun na reaksyon sarong posibilidad sa karingisan.[3][4]
Toltolan
[baguhon | baguhon an source]- ↑ De Botton, Alain (April 2011). The Consolations of Philosophy. New York: Vintage Books, a division of Random House Inc. p. 80. ISBN 978-0-679-77917-9.
- ↑ Jeronimus; et al. (Jan 2018). "Frustration". In Zeigler-Hill, V.; Shackelford, T.K. Encyclopedia of Personality and Individual Differences. New York: Springer. pp. 1–8. doi:10.1007/978-3-319-28099-8_815-1. ISBN 978-3-319-28099-8.
- ↑ The frustration–aggression hypothesis.
- ↑ A.H., Buss (1966). "Instrumentality of aggression, feedback, and frustration as determinants of physical aggression". Journal of Personality and Social Psychology 3 (2): 153–162. doi:.
