Si Paul Weidner (11 Pebrero 1843[1] o 11 Abril 1843[2][3] – 30 Abril 1899[1] pangaran na sangkap Bernhard Paul Weidner[4]) sarong Aleman na arkitekto.
Namundag sa Dresden, si Weidner nag'adal nin arkitektura ki Georg Hermann Nicolai sa atelier kan Dresden Academy of Fine Arts. An institusyon pang-edukasyon na ini pig'paadal saiyang mga eksperto en partikular sa historismo kan Neo-Renasimyento. Kan 1863, siya nakamit an sertipiko honoraryo, kan 1866 naresibi an Small Golden Medal of the Academy of Arts, asin kan 1867 nata'wan nin travel grant nin duwang taon.[3] Nag'eestar sa Dresden, Si Weidner nagbyahe sa Italya kan 1870.
Kan 1874, nagkituwang siya ki Ernst Giese sa pagtugdas kan kompanyang arkitektural na Giese & Weidner, na nagdanay hanggan 1892. Kan 1875, ginana ninda an Architectural design competition para sa Kunsthalle Düsseldorf. Iba pang mga panggana sa kompetisyon nagsurunod. An partikular na prestihiyosong gayo iyo an panggana ninda sa kompetisyon sa pagdesenyo kan Reichstag building sa Berlin, na guminana nin ikatolong premyo kan 1882.[1] Kan 1882, an bagong munisipyong edipisyong Erzgebirge sa banwaan nin Schönheide napatugdok ninda, sa Neo-Renasimyentong estilo.[5] Kan 1883 sinda nakontrata sa pagtugdok kan Dresden Martin Luther Church. Kan 1892, saindang desenyo para sa Dresden Hauptbahnhof nagawadan primer premyo sa pagtugdok kaini. Pakapagsuwayan sa saiyang katuwang sa opisina na si Giese, siya nagtindog kan opisinang arkitektural inapod nang Giese & Sohn, asin si Weidner nasibot sa pagtugdok kan istasyon perokaril, alagad mga kontrata niya bakong arog kakusog kan dati.[4] An ultimong titulo niya iyo an bilang (Royal Saxon) Baurats[4] - alagad ta mayo man ebidensya na siya nagin kontratado kan estado, ini garo sana man titulong honoraryo.
Si Weidmer nagadan sa Dresden sa edad na 56.