Pinansya sa klima

Top 10 clean energy financing institutions 2014

An pinansya sa klima iyo an "pinansya na nagmamawot na inaan an mga emisyon, asin pakarhayon an luwasan kan mga greehouse gas asin an tuyo na pagbawas sa bulnerabilidad kan, asin an pagmantinir saka pagpapadanay kan mga ekohikal asin pantawong sa sistema laban sa danyos kan nagbabagong klima," susog sa pagpakahulugan kan United Nations Framework Convention on Climate Change (UNFCCCC) Standing Commitee on Finance.[1] An termino ginamit sa hayakpit na senso tanganing ipanungod sa mga pagpalis nin pampublikong mga rekurso gikan sa mauswag pasiring sa nag-uuswag pa sanang mga nasyon, susog sa saindang obligasyon sa UN Climate Convention na magtao nin "bago asin dugang na rekursong pinansyal", asin sa mas mahiwas na senso ipanungod sa gabos na pinansyal na mga pagbulos dapit sa litigasyon sa pagbago nin klima asin adaptasyon.[2][3]

An ika-21 na sesyon kan Conference of Parties (COP) sa UNFCCC (Paris 2015) nagpabisto nin bagong panahon para sa pinansya, polisiya, asin merkado sa klima . An Kasunduan sa Paris na pig-adoptar duman naghimo nin sarong pankinaban na plano na ibalik an kinaban sa kurso kaini tanganing malikayan an peligrosong pagbago nin klima sa paagi kan paglimitar sa pankinaban na pag-imbong pasiring sa ibaba kan 2 °C na mas halangkaw sa preindustriyal na mga lebel. Kabali digdi an pagpipinasya sa klima na pinapadrinohan nin nasyunal, rehiyynal asin internasyunal na mga ahensya para mitigasyon asin adaptasyon na mga proyekto asin programa na may kinaaraman sa pagbago kan klima. Kaiba dyan an espesipikong pagsuportar sa mga mekaniko sa klima asin pinansyal na tabang para sa mga aktibidad tanganing mapunan an transisyon pasiring low-carbon asin climate-resilient na pagtalubo kan pag-uswag sa paagi nin capacity building, R&D, asin pagpatalubo kan ekonomiya.[4]

This 2021 survey found that EU firms are more likely to make climate investments than US firms.

Kan Nobyembre 2020, an mga development banks asin pribadong pinansya dai pa naabot an US$100 bilyon kada taon na investment na napalaman sa mga negosasyon sa klima kan UN para sa taon 2020.[5] Alagad, sa atubang kan pagruro kan ekonomiya huli kan pandemyang COVID-19, 450 na mga development bank an nangako na magbutas kwarta sa "Green recovery" sa mga nag-uuswag pa sanang nasyon.[5]

Durante kan pandemyang COVID-19, an pagbago kan klima tinawan nin atensyon kan 43% kan mga kumpanya sa EU. Sa ibong kan epekto kan pandemya sa mga negosyo, an porsyento kan mga kompanya na nagpaplanong magbutas kwarta para sa klima nag-abot nin 47%. Ini paglangkaw sa posyetno kaitong 2020, kan an mga investment dapit sa klima nasa 41%.[6][7]

Susugan

[baguhon | baguhon an source]
  1. ↑ "Documents | UNFCCC". unfccc.int. Retrieved 2018-09-08.
  2. ↑ Oscar Reyes (2013), "A Glossary of Climate Finance Terms", Institute for Policy Studies, Washington DC, p. 10 and 11
  3. ↑ "Search | Eldis".
  4. ↑ Barbara Buchner, Angela Falconer, Morgan Hervé-Mignucci, Chiara Trabacchi and Marcel Brinkman (2011) "The Landscape of Climate Finance" A CPI Report, Climate Policy Initiative, Venice (Italy), p. 1 and 2.
  5. ↑ 5.0 5.1 "Banks around world in joint pledge on 'green recovery' after Covid". the Guardian. 2020-11-11. Retrieved 2020-11-12.
  6. ↑ Bank, European Investment (2022-01-12). EIB Investment Report 2021/2022: Recovery as a springboard for change. European Investment Bank. ISBN 978-92-861-5155-2.
  7. ↑ "Latest EIB survey: The state of EU business investment 2021". European Investment Bank. Retrieved 2022-01-31.