Risa Hontiveros

An Kagalanggalang
Risa Hontiveros
Opisyal na retrato kan 2022
Senator of the Philippines
Inkumbent
Pagtukaw sa pwesto
Hunyo 30, 2016
Pamayo kan Komite sa Kababaihan, Pamilya
asin Pagkaparatay kan Gender
Inkumbent
Pagtukaw sa pwesto
Hulyo 25, 2016
Suminunod ki Pia Cayetano
Pamayo kan Komite sa Salud asin Demograpiya
nin Senado kan Filipinas
Termino
Hulyo 25, 2016 – Pebrero 27, 2017
Suminunod ki Teofisto Guingona III
Sinundan ni JV Ejercito
Myembro kan Kamara de Representantes kan Filipinas para sa Akbayan
Termino
Hunyo 30, 2004 – Hunyo 30, 2010
Personal na mga detalye
Kamundagan Ana Theresia Navarro Hontiveros
(1966-02-24) Pebrero 24, 1966 (edad 58)[nangangaipo nin toltolan]
Manila, Filipinas
Nasyunalidad Filipino
Partido politikal Akbayan Citizens' Action Party (2004–presente)
Iba pang partido Liberal (2010)
Team PNoy (2013)
Koalisyon ng Daang Matuwid (2016)
Mga aki 4
Alma mater Ateneo de Manila University (AB)
Kasibotan Politiko
Trabaho Peryodista

Si Ana Theresia "Risa" Navarro Hontiveros-Baraquel[1] (IPA: [hɔntiverɔs barakɛl]; namundag kan Pebrero[nangangaipo nin toltolan] 24[nangangaipo nin toltolan], 1966) sarong Pilipinong politiko, pamayo nin komunidad asin peryodista na naging representante kan Akbayan sa Kamara de Representantes kan Filipinas poon 2004 sagkod 2010. Nagin siyang nominado sa 2005 Nobel Prize para sa saiyang mga ambag sa katuninongan, diplomasya, asin diyalogo. Sa presente, siya nagseserbe bilang sarong Senador kan Filipinas matapos na manggana sa eleksyon 2016, sa ikasiyam na lugar, pangkagabsan. Dati man siyang nagdalagan pagkasenador kan 2010 asin 2013 bago magin matriyumpo kan 2016.[2]

Siya an saro sa mga nanginginot na lider kan hiron nin demokratikong sosyalismo[3] asin hiron nin katanosan kan LGBT sa Filipinas,[4][5] asin sarong mayor na personalidad sa oposisyon laban sa mga kontrobersya kan nasyon sa gyera laban sa droga.[6][7] An saiyang panlehislatibong adyenda nakatotok sa katalingkasan kan tawo, sibil na libertad kan kababaihan, mga LGBT, kaakian, mga tawong may kakundian, katutubong mga tawo, estudyante, obrero, parauma, asin senior citizen. Siya an gurang na tugang kan mga peryodista asin host sa telebisyon na si Ginggay asin Pia Hontiveros.

Karera politikal

[baguhon | baguhon an source]

Kamara de Representantes

[baguhon | baguhon an source]

Si Hontiveros inot na naglaog sa politika bilang ikatulong nominado kan Akbayan Party-list sa pagkagabsan na eleksyon kan 2004. Saro siya sa mga prominenteng personalidad kan oposisyon kan administrasyon ni Presidente Gloria Macapagal-Arroyo, nangurog na durante kan kasagsagi kan kontrobersyang Hello Garci kan 2005.[8] Sa Pangkinaban na Aldaw nin Kababaihan kan 2006, siya naaresto asin dinara sa Kampo Caringal sa Syudad nin Quezo na mayo nin subpoena dawa na matuninong an ginibong tiripon huli kan nasabing pangkinaban na aktibidad.[9] Si Hontiveros nangagin inot na nominado kan Akbayan sa Katangaan na Eleksyon 2007. Siya nagin sarong myembro kan Minoridad kan Kamara siring man kan mga minasunod na komite sa Ika-14ng Kongreso: Appropriations, Ethics and Privileges, Foreign Affairs, Good Government and Public Accountability, Health, Higher and Technical Education, Human Rights, Natural Resources, Peace, Reconciliation and Unity, People Participation, Rules, Trade and Industry, Women and Gender Equality.

Kabali sa mga nagin matriumpong papel nin lehislasyon na saiyang binilog asin ipinasar sa Kongreso iyo an Cheaper Medicines Law na nagpababa kan presyo kan mga mahahalagang bulong sa paagi nin pagtugot nin katampad na pag-angkat asin kompulsaryong paglisensya, asin anLey sa Pinalawig na Programa na Igwang mga Reporma sa Komprehensibong Repormang Agraryo o Comprehensive Agrarian Reform Program Extension with Reforms (CARPER) Law na minapalawig kan lumang CARP Law siring man kan pagtao nin sarong marahay na programa na angay sa mga pangangaipo kan mga parauma asin mga benepisyaryo kan repormang agraryo. Kabali pa man sa mga naginibohan nin Hontiveros iyo an Anti-Prostitution Bill na naghuhurot na hilingon an prostitusyon bilang sarong sintomas kan dai-masasarigan asin naaabusong estrukturang sosyal asin mga prostityut, an Gender Balance Bill na katuyohan na sigurohon an representasyon kan kababaihan sa gabos na estruktura nin panggogobyerno, asin an Students' Rights and Welfare (STRAW) Bill na katuyohan na itulod asin protehiran an mga katanosan kan mga estudyante sa gabos na lebel asin sa mga parehong pampubliko asin pamprebadong eskwelahan.[10]

Pakatapos sa kongreso

[baguhon | baguhon an source]
Si Hontiveros mantang ipinapahiling an simbolo ni Corazon Aquino na laban nin kamot matapos na makabali sa Liberal Party sa saindang kampaya kan eleksyon 2010.

Yaon sa irarom kan tiket kaidto ni dating Senador Benigno Aquino III, si Hontiveros nag-ikakagtulong (ika-13) lugar sa kagabsan sa karera pagkasenador – haros makaiba sa 12ng itoktok sa Nasyonal na eleksyon 201. Matapos an kadaogan sa eleksyon, siya nagin aktibo sa nagkapirang isyu dapit sa mga yaon sa gayad kan sosyodad asin kan mga abuso kan nakaaging administrasyon. Siya nagin sarong prominenteng personalidad kaiba an mga Senador na si Miriam Defensor Santiago asin Pia Cayetano sa mahiwas na kampanya para sa pagpasar kan Reproductive Health (RH) Law, na saiyang kapwa-pinagsurat kan siya yaon pa sa Kongreso.

Yaon sa irarom kan tiket na Team PNoy, si Hontiveros nagdalagan para sa sarong tukawan sa Senado kan Katanggan na eleksyon 2013. Alagad, siya nadaog liwat sa ikaduwang pagkakataon, kun sain siya nag-ikakagpitong (ika-17) pwesto. An saiyang nagin islogan sa kampanya iyo 'Paglalaban ka, aalagaan ka,' na ipinahiling an saiyang mga nagunong gikan sa pagkakapasar kan RH Law asin an padagos na paglapigot para pangkagabsan na pangangataman sa salud o universal health care, asin marahay na panggogobyerno o good governance. Matapos kaini, minidbid ni Hontiveros an obserbasyon ni Senator Osmena kan saiyang halong mensahe sa kampanya an tibaad nagin rason kan saiyan kadaogan.[11]

Kan Desyembre 2014, si Hontiveros nagsumpa bilang saro sa mga katiwatiwala kan Philippine Health Insurance Corporation. Siya nagserbe bilang sarong katiwatiwala sagkod 2015.[12][13]

Senado

[baguhon | baguhon an source]
Si Hontiveros mantang nagtataram para sa saiyang pinakainot na pribilehyong panaramon sa Senado kan 2016

Si Hontiveros nagdalagan liwat para Senator asin naggana sa Katanggan na eleksyon 2013 sa irarom kan Koalisyon ng Daang Matuwid ni Presidente Benigno Aquino III. Nakua niya an ikasiyam na lugar, asin iprinoklamar bilang sarong elehidong Senador kan Komisyon sa Eleksyon nin Filipinas, na nakatukaw nin en banc bilang National Board of Canvassers, kan Mayo 19, 2016.[14][15] An saiyang plataporma iyo an aktibismo para sa pagkaparantay asin hustisya para sa gabos. An mga lehislasyon na saiyang tinotokan iyo an salud, katanosan kan kababaihan katanosan kan LGBT, katanosan kan kaakian, kapalibotan, katanosan kan mga parasira, katanosan kan mga parauma, reporma sa gobyerno, positibong aktibismo, asin katanosan kan mga estudyante.

Si Hontiveros nagin parte kan koalisyon kan mga kongresista asin senador na nagparar kan Senate Bill No. 935 o an SOGIE Equality Bill, na napabayaan sa KOngreso sa laog nin 16 taon. Kan Nobyembre 2016, si Hontiveros, kaiba an ginatos na mga progresibong grupo, nagprotesta kan madaling pagkalubong kan dating presidente Ferdinand Marcos sa Heroes' Cemetery.[16]

Kan 2017, siya man na itinuga na tatawan prioridad an halawig na maternity leave asin laban sa deposit sa ospital, mantang ipinapadagos na maipasar an Anti-Discrimination Bill.[17] Si Hontiveros nagin kagsurat kan Senate Bill No. 1345, o an Philippine Mental Health Bill, na naghuhurot na makagibo nin sarong ley sa mental na salud para sa Filipinas sa paagi kan pag-iba kan mga serbisyo sa pangangataman sa salud asin mga programa sa sisteman kan pampublikong salud kan nasyon asin masiguro an pagkakaigwa kaini sa gabos na mga ospital sa bilog na nasyon. An bill naisangat kan Pebrero 17, 2017, asin naipasar kan Senado kan May 2.[18][19] An Philippine Mental Health Law inaprobaran kan Hunyo 2018 ni Presidente Rodrigo Duterte.[20]

Kan Nobyembre 2018, si Hontiveros nakaresibe kan Equality Champion Award gikan sa Lagablab Network para sa saiyang pagtulod para sa mga ley nin pagkaparantay sa Senado asin para sa saiyang laban sa kontra sa diskriminasyo na nakabase sa SOGIE sa nasyon.[4] Kan parehong bulan, si Hontiveros liwat na tinawan doon an pag-arabotan kan mga ilegal na obrerong Intsik sa Filipinas sarong "suntok sa soberenya asin ekonomiya".[21] Si Hontiveros nag-apelar nin nagkapirang beses sa gobyerno na "pondohon an pag-sa normal kan panlulugos, abuso sekswal" sa tahaw kan mga patutsada asin tirada ni Presidente Duterte na minagibong mga bagay na sana an kababaihan asin mga LGBT.[22] Kan Desyembre, si Hontiveros nagboto laban sa pagpalawig kan martial law sa Mindanao sa ikaduwang sunod na taon.[23]

Hulyo 19, 2019, kan an Philippine National Police (PNP)–Criminal Investigation and Detection Group (CIDG) nagsangat nin kaso kontra ki Hontiveros asin iba pang mga myembro kan oposisyo para sa "sedisyon, cyber libel, libelo, estafa, pagkopkop sa sarong kriminal, asin pagbagat kan hustisya".[24][25] Kan Pebrero 10, 2020, naklaro an gabos na mga kaso sa saiya.[26][27]

Personal na buhay

[baguhon | baguhon an source]

An agom ni Hontiveros na si Francisco Baraquel Jr. nagadan kan Mayo 2005 matapos na magsapo nin atake sa puso huli kan hapo. Nagkaigwa sinda nin apat na aki.[28][29] An saiyang pamangki na si Luis Hontiveros nagin sarong housemate sa regular na edisyon kan Pinoy Big Brother: Lucky 7.[30]

Matapos magin sarong peryodista sa laog nin sampulong tao bago maglaog sa politika, si Hontiveros sarong resipyente kan Kapisanan ng Mga Broadkaster ng Pilipinas' Golden Dove Award para sa Best Female Newscaster. Huli kan saiyang trabaho sa urulay katuninongan kaiba an National Democratic Front, siya nakaresibe kan Ten Outstanding Young Men (TOYM) Award para sa Peace and Advocacy kan 2001, asin sarong nominasyon sa Nobel Peace Prize kan 2005.[31]

Toltolan

[baguhon | baguhon an source]
  1. ↑ "Hontiveros, Risa". Rappler. Archived from the original on July 12, 2019. https://web.archive.org/web/20190712130300/https://www.rappler.com/nation/politics/elections-2013/data/candidates/senator/risa-hontiveros. Retrieved on July 23, 2017. 
  2. ↑ Geronimo, Jee Y. "Risa Hontiveros finally wins Senate seat: 'We defied gravity'". Rappler. 
  3. ↑ Simons, Margaret (July 19, 2018). "Duterte's latest female target sees history repeating itself". The Sydney Morning Herald. 
  4. ↑ 4.0 4.1 "Heart Evangelista hailed as Equality Champion by LGBT groups". GMA News Online. 
  5. ↑ Esguerra, Darryl John. "Hontiveros urges speedy passage of SOGIE bill". newsinfo.inquirer.net. 
  6. ↑ "Duterte lost wars on drugs, endo, poverty, Risa Hontiveros says". GMA News Online. 
  7. ↑ Roxas, Pathricia Ann V. "Hontiveros to Duterte admin: Heed 38 countries' call to stop killings". newsinfo.inquirer.net. 
  8. ↑ Marcelo, Pepper (September 1–15, 2006). "Risa Hontiveros Baraquel: Not Your Typical Politico". Planet Philippines. Buzzword Media Corporation. Archived from the original on July 18, 2011. Retrieved February 14, 2008.  Unknown parameter |url-status= ignored (help)
  9. ↑ fullmanph (February 3, 2009). "Rep. Risa Hontiveros, arrested!". Retrieved February 17, 2017 – via YouTube. 
  10. ↑ "Personal Information, BARAQUEL, Risa Hontiveros". I-Site: The Information Site on Philippine Politics and Government. Philippine Center for Investigative Journalism. Retrieved February 14, 2008. 
  11. ↑ "Serge: Jun Magsaysay, Risa Hontiveros lost for same reason". Retrieved February 17, 2017. 
  12. ↑ "Akbayan's Hontiveros appointed to PhilHealth, An Waray's Noel to PCSO". Archived from the original on June 25, 2016. Retrieved February 17, 2017.  Unknown parameter |url-status= ignored (help)
  13. ↑ "Risa Hontiveros named to Philhealth board – Politiko". December 4, 2014. Retrieved February 17, 2017. 
  14. ↑ Bea Cupin (October 11, 2015). "It's final: LP completes 12-person Senate slate". Rappler. Retrieved October 12, 2015. 
  15. ↑ "#PHVote 2016 Philippine Election Results". Archived from the original on February 20, 2018. Retrieved February 17, 2017. 
  16. ↑ "FULL TEXT: 'Failing the test of history' – Hontiveros on Marcos burial". Rappler. 
  17. ↑ Barahan, Ed Margareth (January 3, 2017). "Hontiveros to prioritize health, equality bills in 2017". Philippine Daily Inquirer. http://newsinfo.inquirer.net/858878/hontiveros-to-prioritize-passage-of-health-equality-bills-in-2017. Retrieved on January 4, 2017. 
  18. ↑ Marcelo, Ver (May 3, 2017). "Senate passes Mental Health Act". CNN. Archived from the original on February 2, 2019. https://web.archive.org/web/20190202191138/http://cnnphilippines.com/news/2017/05/02/senate-passes-mental-health-act-third-reading.html. Retrieved on May 3, 2017. 
  19. ↑ Adel, Rosette (May 2, 2017). "Senate approves Mental Health Act". The Philippine Star. http://www.philstar.com/headlines/2017/05/02/1696012/senate-approves-mental-health-act. Retrieved on May 3, 2017. 
  20. ↑ News, ABS-CBN. "Duterte approves mental health law - Hontiveros". ABS-CBN News. 
  21. ↑ Galvez, Daphne. "Hontiveros: Influx of illegal Chinese workers in PH an 'assault in sovereignty, economy'". newsinfo.inquirer.net. 
  22. ↑ "Risa Hontiveros to Duterte: Stop normalizing rape, sexual abuse". GMA News Online. 
  23. ↑ "Senate minority bloc thumbs down martial law extension in Mindanao". Manila Bulletin News. Archived from the original on 2019-10-14. Retrieved 2020-03-28. 
  24. ↑ "Robredo, ilang taga-oposisyon kinasuhan ng PNP-CIDG ukol sa 'Bikoy' videos" (in Tagalog). ABS-CBN News. https://news.abs-cbn.com/video/news/07/19/19/robredo-ilang-taga-oposisyon-kinasuhan-ng-pnp-cidg-ukol-sa-bikoy-videos. 
  25. ↑ "Sedition raps: Solons, bishop hit ‘stupid’ PNP". Philippine Daily Inquirer. https://newsinfo.inquirer.net/1143908/sedition-raps-solons-bishop-hit-stupid-pnp. Retrieved on July 20, 2019. 
  26. ↑ "DOJ clears Robredo, indicts Trillanes and 10 others for 'conspiracy to commit sedition'". GMA News. February 10, 2020. Retrieved February 10, 2020. 
  27. ↑ "DOJ clears Robredo, charges Trillanes in sedition case". Rappler. February 10, 2020. Retrieved February 10, 2020. 
  28. ↑ ""The beautiful fight": Risa Hontiveros". Philippine Online Chronicles. April 1, 2013. Archived from the original on May 5, 2016. Retrieved May 14, 2016.  Unknown parameter |url-status= ignored (help)
  29. ↑ "Risa Hontiveros: Single and ready to mingle". ABS-CBN News and Current Affairs. May 13, 2016. http://news.abs-cbn.com/video/lifestyle/05/13/16/risa-hontiveros-single-and-ready-to-mingle. Retrieved on May 14, 2016. 
  30. ↑ "Beauty queen at pamangkin ng pulitiko, papasok sa PBB (Beauty queen and nephew of a politician to enter in the PBB)". ABS-CBN News. October 29, 2016. http://news.abs-cbn.com/video/entertainment/10/28/16/beauty-queen-at-pamangkin-ng-pulitiko-papasok-sa-pbb. Retrieved on October 29, 2016. 
  31. ↑ "Nobel Peace Prize Nominee Risa Hontiveros on 1000PeaceWomen". Archived from the original on February 23, 2013. Retrieved July 17, 2012.  Unknown parameter |url-status= ignored (help)

Mga panluwas na takod

[baguhon | baguhon an source]