Salog Shatt-al-Arab
An Salog Shatt al-Arab (شط العرب "Salog kan mga Arabo" para sa mga nasyon Arabe) o Arvand Rud (Persa: اَروَندرود, "Masulog na Salog" para sa mga parataram Persa) sarong salog yaon namomogtak sa laog kan probinsya nin Basra mga 200 km (120 mi) an kalabaan, na naporma huli kan pagsarapong kan salog nin Euprates asin Tigris sa banwaan nin Al-Qurna sa bandang habagatan nin Irak. An bandang habagatan na poro kan salog iyo man an pagdolonan kan Irak asin Iran hanggan sa sabang kaini sa pagwa'wa' kan tubig niya sa Golpo Persiko. An salog sinasabing makahulogan na gayo sa konsiderasyon nin geopolitika ta ini an natural na linderos kan Iran saka kan mga Arabong nasyon. An lakbang kan salog nasadit nadakula, poon sa hayapit na 232 metro (761 pye) sa Basra abot 800 metro (2,600 pye) sa may sabang kaini.
