An Sangley (Sangley mestizo, mestisong Sangley, mestizo de Sangley o Mestisong Intsik; pandakulan: mga Sangley) sarong arkaikong termino na piggagamit sa Filipinas na naglaladawan sa sarong persona na igwang halo na ginikanan na Intsik asin Pilipino (dai nahaloy pigtutukdo ini bilang Indyo).[2]
An sangley hale mansana daa sa katagang Hookien na "siong lai" (mga bisitang parati). [3]
Naglaog an mga Intsik sa Pilipinas bilang mga mangangalakal/komersyante bago pa an panananakop kan mga Espanyol. An pag-uswag na idto an nagpalangkaw nin mga oportunidad sa pirang trabaho asin negosyo. An iba nag-irok sa Pilipinas, nagtugdas nin mga purong komunidad sa Manila, pagkatapos sa iba pang mga syudad.
Ini an iba pang kaapudan na Pilipino na minatukdo sa Intsik o mga Intsik na igwang pagka-Pilipino:
Intsik (hali sa kaapudan kan Hokkien na Pilipino na "in-chek/in-chiak") an tao na kaapudan na piggagamit sa pagtukdo sa kagabsan na Intsik.
Chinoy o Tsinoy (gikan sa kataga na Kastilaloy na Chino, asin an kataga na Pinoy) ini an kaapudan na sa ngunyan piggagamit kan pipira sa pagtukdo kan sarong tawo igwang pagka-Intsik na namundag sa Pilipinas o mga Pilipino na igwang dugo na Intsik.
Chino o Tsino sarong kaapudan na hali sa katagang Intsik na an boot sabihon man sana Intsik.
Chekwa sarong nakakakulog na islang o kantyaw sa pagtukdo kan parehas na Intsik asin Pilipino na igwa nin dugong Intsik.
Tugalsik o Pangyaw sarong pangapudan sa Bikol na tataramon sa Tsino na may pag'insulto o pagkantyaw o pag'ulog-ulog.
Tan, Hock Beng. (1994). Tropical Architecture and Interiors, Singapore: Page One Publishing Pte Ltd.
Tettoni, Luca Invernizzi and Sosrowardoyo, Tara. (1997). Filipino Style. Periplus Editions Ltd. Hong Kong, China.
Weightman, George H. (February 1960) The Philippine Chinese: A Cultural History of A Marginal Trading Company. Ann Arbor, Michigan: UMI Dissertation Information Service.