Shamcey Supsup
Si Shamcey Gurrea Supsup (namundag, Mayo 16, 1986) sarong Filipinang kagpugol-titulo sa pagarayonan na pigrepresentar an Filipinas sa Miss Universe 2011 na pagarayonan kun saen siya an nakakua kan ikatolong pwesto bilang finalista.
Mga enot na taon
[baguhon | baguhon an source]Siya an iyo-iyong aki ni Timoteo Supsup asin ni Marcey Gurrea-Supsup. An saiyang pamilya naghubo sa Syudad nin General Santos kan siya nag'eedad pa sanang tolo. Nagdakula siya sa saiyang ama ta an ina niya na sarong inhinyero yaon sa abroad nagtatrabaho.
Si Supsup sarong lisensyadong arkitekto asin siya an naglugar na primera sa 2010 na Eksamen sa Lisensya nin Arkitektura sa Filipinas. Masabi pa, marhay an rekord niya sa pag'adal. Pagtapos niya sa kolehiyo sa Unibersidad kan Pilipinas siya sarong magna cum laude. Kan siya yaon ngani sa elementarya, naggradwar siya valedictorian asin sa haiskul, nagtapos siyang salutatorian.[1]
Pageant
[baguhon | baguhon an source]Si Supsup nagbali sa Binibining Pilipinas 2011 asin ginana niya an Binibining Pilipinas-Universe na titulo kan ini ginibo duman sa Araneta Coliseum, Abril 10, 2011. An panggana niya nagtao saiya nin lugar na magrepresentar kan Filipinas sa Miss Universe 2011 pageant na piggibo sa São Paulo, Brazil kan Septyembre 12, 2011.
Kan ibatikal na an Limang Hapot para sa mga finalista, an natoon na hapot saiya na ibinoses ni Vivica Fox iyo ini: "Ano mahira ka kan saimong relihiyon sa pag'agom mo kan saimong namomo'tan? Tano o tano ta dai?" An simbag niya, "Kun ako dapat kaipohan magsangle nin relihiyon, dai ako maagom sa tawong sakong namomo'tan nin huli ta an enot na persona kong namomo'tan iyo an Diyos na Iyo an naglalang sako. Igwa akong pagtubod asin prinsipyo, asin nangagin kun siisay ako huli kaini. Kun an tawong iyan may pagkamoot na tunay sako, dapat mamo'tan niya man an Diyos ko." Dakul an naganyat asin napangalas kan saiyang simbag alagad huli ta an hapot nadota' sa sarong sensitibong tema, dakul man an nabigla sa saiyang pogosong simbag.[2]
Bago kan bangging hinasi an Pageant, siya an nangengenot sa Telemundo Online Polls.[3] Pero sa bangging ginibo na an Pageant, siya nagkamit kan ikatolong pwesto asin si Leila Lopez iyo an nakasikwit kan titulong Miss Universe 2011.[4][5]
Personal na buhay
[baguhon | baguhon an source]Kan hinapot siya kun igwa nang kailusyon, sinabi niyang igwa na pero bakong hale sa industriya nin pelikula. An prankang pagsabi niya kun may karelasyon na siya medyo nagkonekta sa hapot saiya kan siya saro sa limang finalista, ta an kailusyon niya naghale sa Katolisismo asin nag'arog na sa saiya na sarong born-again na Kristiyano.
Mga panluwas na takod
[baguhon | baguhon an source]- Pigtubod na manggagana sa Miss Universe 2011
- Si Supsup nakamit ikatolong pwesto
- Oprah Winfrey nagsabi mas maninigo si Shamcey Supsup na iyo an Miss Universe 2011[permanent dead link]
Toltolan
[baguhon | baguhon an source]- ↑ "Top 10 Passers of the June 2011 Architecture Board Exam Results". PRC Board Exam Results. June 15, 2010. Archived from the original on 23 September 2011. Retrieved 15 June 2010.
- ↑ "Coronation Night". Binibining Pilipinas Charities, Incorporated (BPCI). Archived from the original on 2009-03-16. Retrieved 2011-04-13.
- ↑ "Miss Philippines-Universe Shamcey Supsup Tops Telemundo Online Polls". Showbiz Renegade. September 12, 2011. Archived from the original on 27 September 2011. Retrieved 12 September 2011.
- ↑ "Miss Angola, Leila Lopes Hailed 2011 Miss Universe". Showbiz Renegade. September 12, 2011. Retrieved 12 September 2011.[permanent dead link]
- ↑ "Miss Angola Leila Lopes is Miss Universe 2011!". BeautyMania.biz. September 12, 2011. Retrieved 12 September 2011.