АК-101 | |
---|---|
AK-101 (угоры) і AK-102 (унізе) | |
Тып | аўтамат |
Краіна паходжаньня | Расея |
Гісторыя вытворчасьці | |
Канструктар | Міхаіл Калашнікаў |
Дата стварэньня | 1994[1] |
Адзінак створана | 25,000+ |
Мадыфікацыі | AK-102 |
Характарыстыкі | |
Вага | 3,6 / 4 кг (без набояў / наладкаваны)[2]; |
Даўжыня | 943 / 705 мм (з разгарнутым / згарнутым прыкладам) |
Даўжыня ствала | 415 мм |
Патрон | 5,56×45 мм |
Прынцып дзеяньня | адвод парахавых газаў |
Хуткастрэльнасьць | ~650 стр/хв (тэхнічная) 40 стр/хв (баявая) |
Пачатковая хуткасьць кулі: |
910 м/с |
Прыцэльная далёкасьць |
450 м |
Від боясілкаваньня | скрынчаты сэктарны набойнік на 30 набояў |
АК-101 — расейскі аўтамат, створаны для сусьветнага экспартнага рынку. Выкарыстаны набой 5,56×45 мм, што ёсьць стандартам для ўсіх арміяў АПАД. Аўтамат вырабляюць з сучасных матэрыялаў, уключна з плястмасаю, што дазваляе паменшыць вагу ды палепшыць трапнасьць стральбы. Удалыя тэхнічныя рашэньні АК-101 ужытыя і ў мадэлі АК-103 ды іншых мадэлях сэрыі АК-10Х.
Аўтаматы Калашнікава сотае сэрыі ўжываліся[3] вайсковаслужбоўцамі РФ без апазнавальных знакаў[4] у ходзе акупацыі Крыму Расейскаю Фэдэрацыею ў лютым-сакавіку 2014 року. СМІ адзначалася, што аўтаматы сотае сэрыі не стаяць на ўзбраеньні ЎС і МУС Украіны, аднак выкарыстоўваюцца ў падразьдзелах расейскае арміі[5]. Таксама СМІ паведамлялі, што АК-сотыя ўжываліся сэпаратыстамі падчас дывэрсыйных апэрацыяў (а пасьля пачатку АТА — маштабных баявых дзеяў) на тэрыторыі самаабвешчанае Данецкае рэспублікі ды расейскімі наймітамі[6].
Расейскія афіцыйныя асобы, у сваю чаргу, рэґулярна абвяргалі факт наяўнасьці расейскае зброі на тэрыторыі Ўкраіны, таксама як і факт удзелу грамадзянаў РФ у анэксіі Крыму[7][8][9], а таксама ва ўзброеным канфлікце на Донбасе[10].