Адана Дэмірспор

Адана Дэмірспор
Поўная назва	Adana Demirspor Kulübü A.Ş.
Заснаваны	1940
Горад	Адана, Турэччына
Стадыён	Ені-Адана Умяшчальнасьць: 33 543
Галоўны трэнэр	Вінчэнца Мантэльля
Чэмпіянат	Супэрліга
· 2023—2024	12 месца
Галерэя здымкаў у Вікісховішчы adanademirspor.org.tr (тур.)

«Адана Дэмірспор» (па-турэцку: Adana Demirspor) — турэцкі футбольны клюб з гораду Аданы. Заснаваны ў 1940 годзе. Акрамя футболу ў структуры клюбу маюцца сэкцыі ў веславаньні, настольным тэнісе, тэквандо і валейболе^[1].

Гісторыя

Клюб быў заснаваны працаўнікамі Турэцкай чыгункі ў 1940 годзе. Адразу акрамя футболу была сфармаванае каманда дзеля гульні ў водным пола. Пры гэтым дружына ў гэтым відзе спорту была вельмі пасьпяховай, дзесяцігодзьдзямі здабываючы трафэі і маючы вялікую колькасьць заўзятараў. Футбольная дружына брала ўдзел у мясцовых спаборніцтвах. У 1954 годзе «Адана Дэмірспор» спаборнічала ў аматарскім чэмпіянаце Турэччыны. Справа ў тым, што да 1959 году ў краіне не існавала агульнагатурэцкага прафэсійнага чэмпіянату. Калі ж ён паўстаў у ім бралі ўдзел клюбы з Стамбулу, Анкары і Ізьміру. Далучыўшыся да лігі ў 1960 годзе, «Адана Дэмірспор» стаў першым клюбам лігі, які базуцца па-за вялікімі гарадамі. Але, дэбют быў няўдалым, бо клюб фінішаваў апошнім у чэмпіянаце, а хатнія матчы быў вымушаны ладзіць у Анкары. Праз год аданцы зноў вярнуліся ў рэгіянальную лігу. Пасьля стварэньня Другой лігі «Адана Дэмірспор» далучыўся да яе і ў першы ж сэзон фінішаваў другім. Камандзе спатрэбілася дзевяць гадоў, каб урэшце прасунуцца ў найвышэйшы дывізіён. Аданскі клюб забясьпечыў сабе павышэньне клясы пасьля перамогі над клюбам «Ушакспор» зь лікам 2:0, дзякуючы галам Фатыха Тэрыма і Бэкташа Юртасына^[2]. У сэзоне 1977—1978 гадоў каманда прасунулася да фіналу Кубка Турэччыны, але паводле вынікаў двубою саступіла тытул «Трабзанспору».

Склад

Актуальны на 13 верасьня 2024 году

№ Пазыцыя Імя Год нараджэньня 4 Аб Сэміх Гюлер 1994 5 Аб Андро Гравіён 1998 7 Нап Юсуф Сары 1998 8 ПА Тайфун Айдоган 1996 10 Нап Набіль Аліюі 1999 11 Нап Юсуф Барасы 2003 15 Аб Ёван Манеў 2001 16 ПА Ізэт Чэлік 2004 17 Нап Абат Аймбэтаў 1995 21 ПА Бюньямін Балат 1997 22 ПА Аксэл Акташ 1999 23 Аб Абдулсамэт Бурак 1996 24 Аб Бурхан Эрсой 2003 25 Бр Мурат Эсэр 2005

№ Пазыцыя Імя Год нараджэньня 27 Бр Дэніз Дэнмэзэр 2008 28 Нап Саліх Каўразлы 2002 29 ПА Фларэнт Шэху 2002 39 Бр Вэдат Каракуш 1998 55 Аб Толга Календэр 2001 58 ПА Маэстру 2003 60 Нап Азан Дэмірбаг 2008 77 Нап Матэз Нурані 2002 80 Нап Алі Явуз Кол 2001 91 Аб Кадыр Караюгіт 2005 93 Нап Брэйтон Фужо 2004 99 Нап Арда Куртулан 2002 — ПА Маамаду Ба 1999

Крыніцы

1. «Avrupa kupalarına gidecek takımlar belli oldu! Fenerbahçe kazandı, Adana Demirspor...». Hürriyet.
2. Sivritepe, Erdinç. «1972–1973 1.Lig». Turkish Soccer.

Вонкавыя спасылкі

• Афіцыйны сайт