Аляксей Шалашнікаў

Аляксей Шалашнікаў
Пэрсанальная інфармацыя
Нарадзіўся 22 сакавіка 2002(2002-03-22)[1] (22 гады)
Рост 187 см
Вага 85 кг[1]
Пазыцыя абаронца
Клюбная інфармацыя
Клюб Смаргонь (у арэндзе з клюбу «Нёман Горадня»)
Нумар 4
Клюбы
Гады Клюб Гульні (галы)¹
2021—2023 БАТЭ 0 (0)
2021 → Іслач 15 (0)
2022 → Нёман Горадня 10 (0)
2023 → Славія Мазыр 1 (0)
2024—4 Нёман Горадня
2024—4 → Смаргонь 22 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
25 кастрычніка 2024.

Аляксе́й Шала́шнікаў (нар. 22 сакавіка 2002 году) — беларускі футбаліст, абаронца клюбу «Смаргонь» (у арэндзе з гарадзенскага «Нёмана»).

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Выхаванец гарадзенскай школы «Белкард», а пазьней навучаўся ў Акадэміі АБФФ. Пасьля заканчэньня акадэміі ў 2019 годзе далучыўся да барысаўскага БАТЭ, што выклікала незадаволенасьць гарадзенскага «Нёмана», які меў першачарговае права на гульца[2]. У БАТЭ пачаў выступаць за дубль, дзе хутка замацаваўся ў складзе. Да сэзону 2021 году рыхтаваўся з асноўнай камандай БАТЭ, а ў лютым быў аддадзены ў арэнду ў «Іслач»[3]. Дэбютаваў у Найвышэйшай лізе 12 сакавіка 2021 году ў матчы першага туру супраць мазырскай «Славіі» (1:0), адгуляўшы ўсе 90 хвілінаў. У далейшым працягваў зьяўляцца ў стартавым складзе, часам заставаўся на лаўцы запасных.

У лістападзе 2021 году па заканчэньні арэнды пакінуў «Іслач»[4], аднак у студзені 2022 году зноў пачаў трэнавацца з камандай, а ў лютым арэнда была падоўжаная да канца 2022 году[5]. Але, у сакавіку 2022 году паводле пагадненьня бакоў арэнднае пагадненьне было прыпыненае[6] і неўзабаве абаронца далучыўся да гарадзенскага «Нёмана»[7]. У гарадзенскім клюбе выкарыстоўваўся як гулец ратацыі, за сэзон 2022 году правёў 10 матчаў у чэмпіянаце і адзін у Кубку Беларусі.

У сьнежні 2022 году па вяртаньні з арэнды пачаў трэнавацца з БАТЭ[8], а ў студзені 2023 году на правах арэнды стаў гульцом мазырскай «Славіі»[9]. Не замацаваўся ў складзе мазырчукоў, згуляўшы толькі адзіны матч, і ў ліпені 2023 году пакінуў «Славію»[10]. Пасьля быў прылучаны да дублю БАТЭ[11], аднак ня быў заяўлены за каманду і ня браў удзелу ў афіцыйных матчах. У пачатку 2024 году трэнаваўся з БАТЭ, а ў сакавіку скасаваў кантракт з клюбам[12] і ўзмоцніў склад гарадзенскага «Нёмана»[13], пасьля чаго неўзабаве выправіўся ў арэнду ў «Смаргонь»[14].

Міжнародная

[рэдагаваць | рэдагаваць крыніцу]

У кастрычніку 2018 году гуляў за зборную Беларусі (да 17 гадоў) у кваліфікацыйным, а ў сакавіку 2019 году ў элітным раўндах чэмпіянату Эўропы.

Крыніцы

[рэдагаваць | рэдагаваць крыніцу]
  1. ^ а б в г д е ё https://www.fcneman.by/by/komanda/main/756.html
  2. ^ БАТЭ забрал выпускников Академии АБФФ, которых ждали в «Немане» и «Витебске». Борисов наказали, но там говорят: «Из нас сделали злодеев» (рас.)
  3. ^ БАТЭ отдаст Потапенко и Бочерова в аренду в "Слуцк", а Шалашникова - в "Ислочь" (рас.)
  4. ^ Шалашников, Мякиш и Герасимов покидают "Ислочь" (рас.)
  5. ^ "Ислочь" снова арендовала Шалашникова у БАТЭ (рас.)
  6. ^ Футбол. Алексей Шалашников покинул "Ислочь" (рас.) Архіўная копія ад 2022-03-16 г.
  7. ^ "Неман" арендовал у БАТЭ Шалашникова (рас.)
  8. ^ "Желто-синие" приступили к тренировкам (рас.) Афіцыйны сайт барысаўскага БАТЭ
  9. ^ Шалашников стал игроком "Славии" (рас.)
  10. ^ Шалашников покинул "Славию" и может вернуться в "Неман" (рас.)
  11. ^ Наши в аренде: результативность Носко, незаменимость Шведчикова (рас.) Афіцыйны сайт барысаўскага БАТЭ
  12. ^ Никита Некрасов и Алексей Шалашников расстались с БАТЭ (рас.)
  13. ^ Алексей Шалашников вернулся в "Неман" (рас.)
  14. ^ "Неман" отправил Алексея Шалашникова в аренду (рас.)

Вонкавыя спасылкі

[рэдагаваць | рэдагаваць крыніцу]