Венская акадэмія выяўленчых мастацтваў
| Венская акадэмія выяўленчых мастацтваў | |
| па-нямецку: Akademie der bildenden Künste Wien | |
 | |
 Лягатып | |
| Заснаваны | 1692 |
|---|---|
| Месцазнаходжаньне | |
| Горад | |
| Краіна | |
| Знаходзіцца ў складзе | ORCID[d][1] і Austrian Academic Library Consortium[d][2] |
| Вэб-сайт | akbild.ac.at (ням.) (анг.) |
Венская акадэмія выяўленчых мастацтваў (па-нямецку: Akademie der bildenden Künste Wien) — аўстрыйская дзяржаўная вышэйшая навучальная ўстанова са статусам унівэрсытэту зь сядзібаю ў Вене.
Агульная характарыстыка
[рэдагаваць | рэдагаваць крыніцу]Заснаваная ў 1692 годзе Пэтэрам Штрудэлем. Акадэмія закрыла свае дзьверы пасьля ягонай сьмерці ў 1714 годзе. У 1725 годзе імпэратар Карл VI аднавіў яе пад кіраўніцтвам мастака Якаба ван Шупэна. У 1772 годзе новыя пастановы зьмянілі структуру выкладаньня мастацтваў. Затым усе мастацкія школы аб’ядналіся пад управаю акадэміі мастацтваў. У 1872 годзе імпэратар Франц-Ёсіф I зацьвердзіў закон, які зрабіў акадэмію вышэйшаю ўстановаю мастацтваў у Аўстра-Вугоршчыне. У 1872—1876 гадах быў пабудаваны вялікі ўласны будынак. У 1907 годзе, затым у 1908 годзе малады Адольф Гітлер двойчы спрабаваў паступіць у акадэмію. У час аншлюсу з 1938 па 1945 год акадэмія вымушаная была рэзка скараціць колькасьць сваіх габрэйскіх работнікаў. Пасьля Другое сусьветнае вайны яна зноў была адкрыта, а ў 1955 годзе стала самастойнай вышэйшаю навучальнаю установаю. У 1998 годзе стала дзяржаўным унівэрсытэтам, захаваўшы сваю першую назву. У цяперашні час гэта адзіны аўстрыйскі ўнівэрсытэт, у афіцыйнай назве якога намя ўласна слова «ўнівэрсытэт».
Структура
[рэдагаваць | рэдагаваць крыніцу]- Інстытут мастацтва і архітэктуры
- Інстытут выяўленчага мастацтва
- Інстытут навук і тэхналёгіяў у мастацтве
- Інстытут выкладаньня мастацтва
- Інстытут мастацкіх і культуралягічных навук