Джэноа Генуя

	Джэноа
Поўная назва	па-італьянску: Genoa Cricket and Football Club
Заснаваны	7 верасьня 1893
Горад	Генуя, Італія
Стадыён	Люіджы Фэрарыс; Умяшчальнасьць: 36 536
Прэзыдэнт	Альбэрта Дзангрыльлё[d]
Кіраўнік	777 Partners[d] і Dan Șucu[d]
Галоўны трэнэр	Патрык Віейра[d];
Чэмпіянат	Сэрыя А
· 2024—2025	13 месца
	Галерэя здымкаў у Вікісховішчы; genoacfc.it (італ.) (анг.)

«Джэноа» (па-італьянску: Genoa) — італьянскі футбольны клюб з гораду Генуя. Заснаваны ў 1893 годзе. Дзевяціразовы чэмпіён Італіі й аднаразовы ўладальнік Кубка Італіі. Нягледзячы на тое, лёгкаатлетычны й крыкетны клюбы былі заснаваны ў 1893 годзе ангельцамі як брытанскі спартовы клюб за мяжой, гульцамі ў гэтым таварыстве былі выключна падданыя ангельскай кароны да 10 красавіка 1897 году, калі склад быў адчынены для італьянскіх грамадзянаў^[4]. Футбольная сэкцыя клюбу быў створана ў 1897 годзе Джэймзам Рычардсанам Спэнсьлі, што робіць футбольную каманду найстарэйшым існуючым клюбам у сваім родзе ў Італіі^[5].

Падчас сваёй доўгай гісторыі «Джэноа» перамагала ў спаборніцтве Сэрыі А дзевяць разоў. Першы тытул «Джэноа» быў здабыты ў першым чэмпіянаце ў 1898 годзе, а апошні ў сэзоне 1923—1924 гадоў. Гістарычна склалася так, што «Джэноа» зьяўляецца чацьвёртым найбольш пасьпяховым італьянскім клюбам^[6].

Клюб праводзіць свае хатнія матчы на стадыёне «Люіджы Фэрарыс», які здольны зьмясьціць 36 536 чалавек^[7]. Гэтая пляцоўка зьяўляецца хатняй для клюбу з 1911 году. З 1946 году стадыён таксама выкарыстоўваецца як хатняя арэна для іншага футольнага клюбу з гораду «Сампдорыі». «Джэноа» большую частку сваёй пасьляваеннай гісторыі праводзіць паміж Сэрыяй А і Сэрыяй Б.

Гісторыя

Клюб быў заснаваны 7 верасьня 1893 году як «Гэнуэскі крыкетны й атлетычны клюб» (анг. Genoa Cricket & Athletic Club)^[8]. Першапачаткова клюб спаборнічаў толькі ў лёгкай атлетыцы й крыкеце. З-за таго, што клюб быў створаны, каб прадстаўляць Ангельшчыну за мяжой, арыгінальныя футболкі былі белага колеру, то бок такога ж колеру, як і кашулі нацыянальнай зборнай Ангельшчыны^[8].

З адкрыцьцём футбольнай сэкцыі было прынята рашэньне ад дазволе ўдзелу італьянскіх грамадзянаў у дзейнасьці клюбу. Першы таварыскі матч «Джэноа» праводзіла дома супраць зьмешанай каманды турынскіх клюбаў «Інтэрнацыянале» й «Тарынэзэ», дзе генуэскі клюб трываў паразу зь лікам 1:0^[8]. Неўзабаве пасьля гэтага «Джэноа» атрымаў сваю першую перамогу ў выязным матчы супраць клюбу «Алесандрыя» зь лікам 2:0. Таварыскія матчы таксама мелі месца супраць камандаў розных брытанскіх суднаў, якія прыходзілі ў порт Генуі.

Склад

Актуальны на 14 лютага 2025 году

№	Пазыцыя	Імя	Год нараджэньня
1	Бр	Ніколя Леалі	1993
2	ПА	Мортэн Торсьбю	1996
3	Аб	Аарон Мартын	1997
4	Аб	Коні Дэ Вінтэр	2002
5	ПА	Жан Анана (ар. Бэшыкташ)	2000
9	Нап	Вітыньня	2000
10	Нап	Жуніёр Мэсіяс	1991
13	Аб	Матыя Бані	1993
15	Аб	Брук Нортан-Кафі	2004
17	ПА	Руслан Маліноўскі	1993
18	Нап	Калеб Экубан	1994
19	Нап	Андрэа Пінамонці (ар. Сасуолё)	1999
20	Аб	Стэфана Сабэльлі	1993
21	Нап	Джэф Эхатор	2006
22	Аб	Хаан Васкес	1998

№	Пазыцыя	Імя	Год нараджэньня
23	ПА	Фабіё Мірэцьці (ар. Ювэнтус)	2003
30	ПА	Уга Куэнка	2005
31	Бр	Бэньямін Зыгрыст (ар. Рапід)	1992
32	ПА	Мортэн Фрэндруп	2001
33	Аб	Алян Матура	2004
34	Аб	Сэбастыян Атоа	2004
39	Бр	Даніеле Самарыва	1997
45	Нап	Марыё Балятэльлі	1990
47	ПА	Мілан Бадэль (капітан)	1989
53	ПА	Ліёр Каса (ар. Макабі Х.)	2005
59	Аб	Алесандра Дзанолі (ар. Напалі)	2000
69	Аб	Анэст Аганор	2008
70	Нап	Максвэль Карнэ (ар. Ўэст Гэм)	1996
73	ПА	Патрыцыё Мазыні	2001