Ерусалімская акруга

Ерусалімская акруга (па-габрэйску: מחוז ירושלים‎, Mekhoz Yerushalayim; па-арабску: منطقة القدس‎) — адна зь сямі адміністрацыйных акругаў дзяржавы Ізраіль. Мяжуе з Цэнтральнай і Паўднёвай акругамі, а таксама зь Юдэяй і Самарыяй. Адміністрацыйны цэнтар і найбуйнейшы горад — Ерусалім.

Агульная плошча акругі — 653 км² (з Усходнім Ерусалімам уключна).

Геаграфія

Ерусалімская падакруга (тэрытарыяльна супадае з акругай) уключае Юдэйскія горы і Юдэйскую раўніну^[1].

У акрузе пражывае пятая частка (21%) арабскага насельніцтва Ізраілю^[2]. Большасьць арабаў у акрузе складаюць палестынцы, якія, нягледзячы на права атрыманьня грамадзянства Ізраілю, не атрымліваюць яго па ўласным выбары, а меншасьць — гэта арабы Ізраілю, што жывуць у Абу-Гошы, Бэт-Сафафе і Ўсходнім Ерусаліме, дзе адмыслоўцы арабскай нацыянальнасьці пачалі сяліцца з канца 1970-х гадоў, пераважна з мэтаю забясьпячэньня мясцовага насельніцтва юрыдычнымі і іншымі паслугамі.^[3]

Па зьвестках Цэнтральнага статыстычнага бюро Ізраілю ў 2011 годзе ў акрузе агулам пражывала 968 800 чалавек^[4], у тым ліку:

Па нацыянальнасьці:
- Жыды: 656 900 (67,8%)
- Арабы: 303 100 (31,3%)
- Іншыя: 8800 (0,9%)
Па веравызнаньні:
- Юдэі: 650 000 (67,1%)
- Мусульмане: 291 100 (30%)
- Хрысьціяне: 15 300 (1,6%)
- Іншыя: 12 100 (1,3%)

Падакругі	Гарады	Мясцовыя рады	Рэгіянальныя рады
Ерусалімская^[5]	Бэт-Шэмеш Ерусалім	Абу-Гош Кір’ят-Еарым Мевасарэт-Цыён	Матэ-Егуда

Ерусалімская акруга — сховішча мультымэдыйных матэрыялаў