Конкурс песьні Эўрабачаньне-2017

Конкурс песьні Эўрабачаньне-2017
Фінал	11 траўня 2017 (7 гадоў таму)
Паўфіналы	9 траўня 2017 11 траўня 2017
Вядоўцы	Аляксандар Скічко Уладзімер Астапчук Цімур Мірашнічэнка
Тэлеканал гаспадароў	Нацыянальная грамадзкая тэлерадыёкампанія Ўкраіны
Месца	Міжнародны выставачны цэнтар, Кіеў
Пераможная песьня	Партугалія Amar pelos dois
Сыстэма галасаваньня	Галасаваньне журы і тэлегледачоў за 10 найлепшых песьняў.
Колькасьць краін	42
Вяртаньне	Партугалія  Румынія
Сыход	Босьнія і Герцагавіна  Расея
Нуль ачкоў	Гішпанія
◄2016        2018►

Ко́нкурс пе́сьні «Эўраві́зія-2017» — 62-і конкурс песьні «Эўрабачаньне», які адбыўся ў пэрыяд з 9 па 13 траўня 2017 году ў Кіеве (Украіна), дзякуючы перамозе ў папярэднім конкурсе ў Стакгольме сьпявачкі Джамалы зь песьняю «1944».

Конкурс «Эўравізіі» адбываўся ва Ўкраіне ў другі раз (першы — у 2005). Два паўфіналы адбыліся 9 і 11 траўня адпаведна, фінал — 13 траўня. Удзел у конкурсе ўзялі 42 краіны. Партугалія і Румынія вярнуліся ў яго пасьля гадавой адсутнасьці; Босьнія і Герцагавіна ня ўдзельнічала зь фінансавых прычынаў, а Расея адмовілася пасьля таго, як ейнай прадстаўніцы, Юліі Самойлавай, быў забаронены ўезд ва Ўкраіну за парушэньне ўкраінскага заканадаўства.

Пераможцам «Эўравізіі-2017» стаў партугальскі сьпявак ротам Салвадор Сабрал зь песьняй «Любіць за дваіх». Гэтая перамога стала першай для Партугаліі, а заадно і першым трапляньнем у першую пяцёрку, за ўсе 53 гады ўдзелу ў Эўравізіі. Таксама ўпершыню з 2007 року на «Эўравізіі» перамагла песьня, выкананая цалкам роднай мовай краіны. Усе тры найлепшыя прадстаўнікі — Партугаліі, Баўгарыі і Малдовы — упершыню занялі такія высокія месцы для ўласных краінаў.

Месца правядзеньня

Сцэна «Эўрабачаньня» ў Міжнародным выставачным цэнтры Кіеву

Украіна атрымала права прыняць «Эўравізію» ў сябе дзякуючы перамозе на конкурсе ў Стакгольме 2016 року сьпявачкі Джамалы зь песьняю «1944».

Конкурс адбываўся ў Міжнародным выставачным цэнтры, найбольшай прэзэнтацыйнай залі Кіеву зьмяшчальнасьцю каля 11 000 чалавек^[1].

Фармат

Конкурс «Эўравізіі-2017» ладзіўся пад лёзунгам «Сьвяткуйма разнастайнасьць» (анг. Celebrate Diversity). Упершыню ў гісторыі конкурсу яго вяло трыё^[2], і ў другі раз з 1956 року — адныя мужчыны: Аляксандар Скічко, Уладзімер Астапчук ды Цімур Мірашнічэнка.

У перапынках у першым паўфінале і ў фінале выступала пераможца мінулага Эўрабачаньня Джамала.

Удзельнікі

     Удзельніцы першага паўфіналу

     Трапілі ў фінал аўтаматычна, аднак мелі права галасаваць у першым паўфінале

     Удзельніцы другога паўфіналу

     Трапілі ў фінал аўтаматычна, аднак мелі права галасаваць у другім паўфінале

Удзел у конкурсе 2017 року ўзялі 42 краіны, прычым Партугалія і Румынія вярнуліся ў яго пасьля гадавой адсутнасьці. Босьнія і Герцагавіна адмовілася ад удзелу з-за фінансавых праблемаў^[3], а Расея адмовілася за месяц да конкурсу пасьля таго, як ейнай прадстаўніцы Юліі Самойлавай было адмоўлена ва ўезьдзе на тэрыторыю Ўкраіны з-за наведваньня ёй Крыму ў абыход украінскага заканадаўства^[4][5].

Пяць выканаўцаў ужо бралі раней удзел у выступах за сваю краіну: Валянтына Манэта прадстаўляла Сан-Марына на конкурсах у 2012, 2013 і 2014 роках; дуэт Койт Тоомэ з Лаўрай Пылдвэрэ паасобку прадстаўлялі Эстонію на «Эўравізіі» 2008 і 2005 (у складзе гурту «Suntribe») адпаведна; Омар Набэр выступаў ад Славеніі ў 2005 року; гурт SunStroke Project выступаў на Эўравізіі-2010 з малдоўскай сьпявачкай Оляй Тырай. Акрамя таго, гурт O’G3NE раней прадстаўляў Нідэрлянды на дзіцячым Эўрабачаньні-2007^[6].

Вынікі

Першы паўфінал

Нумар[7]	Краіна[8]	Выканаўца[8]	Песьня[8]	Мова	Месца	Пункты
01	Швэцыя	Робін Бэнгтсан	«I Can’t Go On»	ангельская	3	227
02	Грузія	Тамара Гачэчыладзэ	«Keep the Faith»	ангельская	11	99
03	Аўстралія	Айзая	«Don’t Come Easy»	ангельская	6	160
04	Альбанія	Ліндыта	«World»	ангельская	14	76
05	Бэльгія	Блянш	«City Lights»	ангельская	4	165
06	Чарнагорыя	Слаўка Калезыч	«Space»	ангельская	16	56
07	Фінляндыя	Norma John	«Blackbird»	ангельская	12	92
08	Азэрбайджан	Дыгадж	«Skeletons»	ангельская	8	150
09	Партугалія	Салвадор Сабрал	«Amar pelos dois»	партугальская	1	370
10	Грэцыя	Дэмі	«This Is Love»	ангельская	10	115
11	Польшча	Кася Мось	«Flashlight»	ангельская	9	119
12	Малдова	SunStroke Project	«Hey, Mamma!»	ангельская	2	291
13	Ісьляндыя	Svala	«Paper»	ангельская	15	60
14	Чэхія	Марціна Барта	«My Turn»	ангельская	13	83
15	Кіпр	Авіг	«Gravity»	ангельская	5	164
16	Армэнія	Аруцюнян	«Fly with Me»	ангельская	7	152
17	Славенія	Омар Набэр	«On My Way»	ангельская	17	36
18	Латвія	Triana Park	«Line»	ангельская	18	21

Другі паўфінал

Выступ беларускага гурту «NaviBand»

Нумар[7]	Краіна[9]	Выканаўца[9]	Песьня[9]	Мова	Месца	Пункты
01	Сэрбія	Ціяна Багічавіч	«In Too Deep»	ангельская	11	98
02	Аўстрыя	Натан Трэнт	«Running on Air»	ангельская	7	147
03	Македонія	Яна Бурчэска	«Dance Alone»	ангельская	15	69
04	Мальта	Кляўдыя Фаньельля	«Breathlessly»	ангельская	16	55
05	Румынія	Ілінка і Алекс Флора	«Yodel It!»	ангельская	6	174
06	Нідэрлянды	O’G3NE	«Lights and Shadows»	ангельская	4	200
07	Вугоршчына	Ёцы Папаі	«Origo»	вугорская	2	231
08	Данія	Аня	«Where I Am»	ангельская	10	101
09	Ірляндыя	Брэндан Марэй	«Dying to Try»	ангельская	13	86
10	Сан-Марына	Валянтына Манэта і Джымі Ўілсан	«Spirit of the Night»	ангельская	18	1
11	Харватыя	Жак Гудэк	«My Friend»	ангельская, італьянская	8	141
12	Нарвэгія	JOWST	«Grab the Moment»	ангельская	5	189
13	Швайцарыя	Timebelle	«Apollo»	ангельская	12	97
14	Беларусь	Naviband	«Гісторыя майго жыцьця»	беларуская	9	110
15	Баўгарыя	Крысьціян Костаў	«Beautiful Mess»	ангельская	1	403
16	Летува	Fusedmarc	«Rain of Revolution»	ангельская	17	42
17	Эстонія	Койт Тоомэ і Лаўра	«Verona»	ангельская	14	85
18	Ізраіль	IMRI	«I Feel Alive»	ангельская	3	207

Фінал

У фінале спаборнічалі 26 краінаў, па 10 з кожнага паўфіналу плюс 5 краінаў-заснавальніц конкурсу і краіна-гаспадыня. Свае галасы за выканаўцаў маглі аддаваць усе 42 краіны-ўдзельніцы.

Нумар	Краіна[10]	Выканаўца[10]	Песьня[10]	Мова	Месца	Пункты
01	Ізраіль	IMRI	«I Feel Alive»	ангельская	23	39
02	Польшча	Кася Мось	«Flashlight»	ангельская	22	64
03	Беларусь	Naviband	«Гісторыя майго жыцьця»	беларуская	17	83
04	Аўстрыя	Натан Трэнт	«Running on Air»	ангельская	16	93
05	Армэнія	Аруцюнян	«Fly with Me»	ангельская	18	79
06	Нідэрлянды	O’G3NE	«Lights and Shadows»	ангельская	11	150
07	Малдова	SunStroke Project	«Hey, Mamma!»	ангельская	3	374
08	Вугоршчына	Ёцы Папаі	«Origo»	вугорская	8	200
09	Італія	Франчэска Габані	«Occidentali’s Karma»	Італьянская	6	334
10	Данія	Аня	«Where I Am»	ангельская	20	77
11	Партугалія	Салвадор Сабрал	«Amar pelos dois»	Portuguese	1	758
12	Азэрбайджан	Дыгадж	«Skeletons»	ангельская	14	120
13	Харватыя	Жак Гудэк	«My Friend»	ангельская, італьянская	13	128
14	Аўстралія	Айзая	«Don’t Come Easy»	ангельская	9	173
15	Грэцыя	Дэмі	«This Is Love»	ангельская	19	77
16	Гішпанія	Манэль Навара	«Do It for Your Lover»	гішпанская, ангельская	26	5
17	Нарвэгія	JOWST	«Grab the Moment»	ангельская	10	158
18	Вялікабрытанія	Люсі Джонс	«Never Give Up on You»	ангельская	15	111
19	Кіпр	Авіг	«Gravity»	ангельская	21	68
20	Румынія	Ілінка і Алекс Флора	«Yodel It!»	ангельская	7	282
21	Нямеччына	Левіна	«Perfect Life»	ангельская	25	6
22	Украіна	O.Torvald	«Time»	ангельская	24	36
23	Бэльгія	Блянш	«City Lights»	ангельская	4	363
24	Швэцыя	Робін Бэнгтсан	«I Can’t Go On»	ангельская	5	344
25	Баўгарыя	Крысьціян Костаў	«Beautiful Mess»	ангельская	2	615
26	Францыя	Альма	«Requiem»	француская, ангельская	12	135

Крыніцы

1. International Exhibition Centre - History and perspective mvc-expo.com Праверана 9 September 2016 г.
2. Let’s hear it for the boys! Meet the hosts of Eurovision 2017 eurovision.tv. European Broadcasting Union. Праверана 27 лютага 2017 г.
3. 43 countries to participate in Eurovision 2017 eurovision.tv. European Broadcasting Union. Праверана 31 кастрычніка 2016 г.
4. Russia withdraws from the Eurovision Song Contest eurovoix.com. Eurovoix. Праверана 13 красавіка 2017 г.
5. EBU: "Russia no longer able to take part in Eurovision 2017" eurovision.tv. European Broadcasting Union (13 красавіка 2017). Праверана 13 красавіка 2017 г.
6. The Netherlands: O'G3NE to the Eurovision Song Contest 2017 eurovoix.com. Eurovoix. Праверана 29 кастрычніка 2016 г.
7. ^ Running order of the Semi-Finals of Eurovision 2017 revealed eurovision.tv. European Broadcasting Union. Праверана 31 сакавіка 2017 г.
8. ^ Eurovision Song Contest 2017 First Semi-Final eurovision.tv. European Broadcasting Union. Праверана 30 студзеня 2017 г.
9. ^ Eurovision Song Contest 2017 Second Semi-Final eurovision.tv. European Broadcasting Union. Праверана 30 студзеня 2017 г.
10. ^ Eurovision Song Contest 2017 Grand Final eurovision.tv. European Broadcasting Union. Праверана 30 студзеня 2017 г.

Вонкавыя спасылкі

• Афіцыйная бачына (анг.)