Люк Г’юз | ||
---|---|---|
Рост | 188 см[1] | |
Пазыцыя | абаронца | |
Грамадзянства | ||
Дата нараджэньня | 9 верасьня 2003[1] (20 гадоў) | |
Месца нараджэньня | ||
Клюб | Нью-Джэрзі Дэвілз | |
Драфт НХЛ | 4, 2021 Нью-Джэрзі Дэвілз | |
Гульнявая кар’ера | 2023 — цяпер |
Люк Г’юз (па-ангельску: Luke Hughes; нар. 9 верасьня 2003 году) — амэрыканскі хакеіст, левы нападнік клюбу «Нью-Джэрзі Дэвілз» з Нацыянальнай хакейнай лігі. У 2021 годзе быў абраны на драфце НХЛ клюбам «Нью-Джэрзі Дэвілз» у першым раўндзе пад агульным чацьвертым нумарам.
Падчас студэнцкай кар’еры абараняў колеры хакейнай каманды Мічыганскага ўнівэрсытэту. У 2021 годзе быў задрафтаваны клюбам «Нью-Джэрзі Дэвілз» пад агульным чацьвертым нумарам, пасьля чаго гулец яшчэ працягваў гуляць на ўзроўні студэнцкіх лігаў. 8 красавіка 2023 году Г’юз склаў трохгадовы кантракт пачаткоўца з «Нью-Джэрзі Дэвілз»[2]. Запачаткаваў кар’еру ў НХЛ 11 красавіка ў матчы супраць «Бафала Сэйбрз», якая скончылася зь лікам 6:2[3]. У наступным матчы супраць «Вашынгтон Кэпіталз» адзначыўся пераможным голам, а гульня скончылася ў авэртайме зь лікам 5:4[4]. У сэзоне 2023—2024 гадоў згуляў ува ўсіх 82 гульнях рэгулярнага сэзону каманды, пасьля чаго быў намінаваны на Мэмарыяльны трафэй Колдэра[5].