Мэт’ю Раян

Мэт’ю Раян
Пэрсанальная інфармацыя
Нарадзіўся	8 красавіка 1992(1992-04-08)[1] (32 гады) Пламптан^[d]
Рост	184 см
Вага	73 кг
Пазыцыя	брамнік
Клюбная інфармацыя
Клюб	Рома
Нумар	98
Клюбы
Гады	Клюб	Гульні (галы)¹
2009—2010 2010 2013—2015 2015—2017 2017 2017—2021 2021 2021—2022 2022—2023 2023—2024 2024—	Сэнтрал Кост Марынэрз → Блэктаўн Сіці (арэнда) Бруге Валенсія → Генк (арэнда) Брайтан энд Гоўв Альбіён → Арсэнал Лёндан (арэнда) Рэал Сасьедад Капэнгаген АЗ Рома	31 (0) 0 (0) 77 (0) 10 (0) 17 (0) 121 (0) 3 (0) 3 (0) 6 (0) 47 (0) 0 (0)
Зборныя
2013—	Аўстралія	92 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 19 траўня 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 26 сакавіка 2024.

Мэт’ю Раян (па-ангельску: Mathew Ryan; нар. 8 красавіка 1992 году, Пламптан, Аўстралія) — аўстралійскі футбаліст, галкіпэр італьянскага клюбу «Рома» і нацыянальнай зборнай Аўстраліі. У дадатак да аўстралійскага пашпарту трымае таксама і брытанскі^[2].

Кар’ера

Клюбная

Мэт’ю пачаў кар’еру ў клюбе «Сэнтрал Кост Марынэрз». 30 траўня 2013 году Раян перайшоў у склад бэльгійскага клюбу «Бруге», аднак сума трансэфру не была разгалошаная. 27 ліпеня брамнік дэбютаваў у складзе новага клюбу ў першым жа матчы сэзону. «Бруге» на хатнім стадыёне атрымаў перамогу над «Шарлеруа», пры гэтым Мэт’ю пакінуў браму без прапушчаных галоў.

Пасьля шэрагу шыкоўных выступаў эўрапейскія гіганты, як то «Лівэрпул», пачалі сачыць за брамнікам^[3]. У ліпені 2015 году «Бруге» прадаў Раяна «Валенсіі»^[4]. У 2015 годзе прызнаны гульцом года ў Аўстраліі^[5].

У студзені 2017 году «Валенсіі» аддала Раяна ў анэнду «Генку» тэрмінам да 30 чэрвеня 2017 году^[6]. У чэрвені 2017 году перайшоў з «Валенсіі» ў «Брайтан энд Гоўв Альбіён», сума трансфэру стала рэкорднай для Брайтана^[7]. У сэзоне 2019-2020 гадоў правёў 11 матчаў, прапусьціў 19 галоў, у тым ліку тры ад Лэстэра у 12 туры, пасьля чаго больш не выходзіў на поле ў складзе «Брайтана»^[8].

У студзені 2021 году перайшоў у «Арсэнал Лёндан» на правох арэнды да канца сэзону^[9]. 6 лютага Раян дэбютаваў за новы клюб у матчы супраць «Астан Вілы», дзе лёнданцы трывалі паразу зь лікам 1:0^[10]. Перамагчы за месца ў браме Раян у Бэрнда Лена ня здолеў. Больш за мясяцы брамнік не зьяўляўся на пляцоўцы, але быў абраны галкіпэрам, які абараняў браму «Арсэналу» ў матчы супраць «Фулгэма», які скончыўся зь лікам 1:1. Апошні матч за «Арсэнал» аўстраліец правёў 2 траўня 2021 году ў гасьцявой сустрэчы зь «Ньюкаслам Юнайтэд». Раян здолеў захаваць браму ад трапленьняў, а «Арсэнал» перагуляў паўночнікаў зь лікам 0:2.

12 ліпеня 2021 году Раян далучыўся да гішпанскага клюбу «Рэал Сасьедад» з найвышэйшага дывізіёну на нявыкрытых умовах^[11]. Дэбют гульца прыпаў на 23 верасьня, калі аўстраліец дапамог здабыць баскам гасьцявую перамогу зь лікам 3:2 у матчы супраць «Гранады». Стаць асноўным брамнікам клюбу гулец таксама ня здолеў, таму прысьпешыў свой сыход з клюбу. 9 жніўня 2022 году Раян далучыўся да дацкага «Капэнгагену», склаўшы двухгадовую ўгоду^[12]. Празь недахоп гульнявога часу ў дацкім калектыве Раян пакінуў «Капэнгаген» і далучыўся да клюбу Эрэдывізіі АЗ 9 студзеня 2023 году. Ягоны кантракт разьлічаны да чэрвеня 2024 году^[13].

Міжнародная

У 2014 годзе Раян быў уключаны ў склад нацыянальнай зборнай Аўстраліі на чэмпіянат сьвету, дзе правёў усе 3 матчы на групавым этапе.

Дасягненьні

«Сэнтрал Кост Марынэрз»:

• Чэмпіён Аўстраліі: 2013

«Бруге»:

• Уладальнік Кубка Бэльгіі: 2015

Аўстралія:

• Пераможца Кубка Азіі: 2015

Крыніцы

1. ^ Mathew Ryan // FBref.com (мн.)
2. David Davutovic (17 лютага 2015) Socceroos rankings rise leads young stars to English Premier League (анг.). The Australian.
3. Socceroo Mat Ryan named Belgium Pro League goalkeeper of year and is being watched by Liverpool. Fox Sports.
4. Источник: «Брюгге» подтвердил переход Райна в «Валенсию» (рас.). Бомбардир.ру (21 ліпеня 2015).
5. Райан признан игроком года в Австралии (рас.). football.ua (16 сьнежня 2015).
6. «Валенсия» отправила вратаря в аренду в «Генк» (рас.). ООО «Национальный спортивный телеканал» (20 студзеня 2017).
7. Райан перешел из «Валенсии» в «Брайтон», трансфер стал рекордным в истории английского клуба (рас.). Tribuna.com (16 чэрвеня 2017).
8. «Арсенал» подписал вратаря «Брайтона» Мэтью Райана (рас.). Спорт-Экспресс (22 студзеня 2021).
9. Малкин А. (22 студзеня 2021) "Арсенал" арендовал у "Брайтона" Мэтью Райана (рас.). FootBoom.
10. Wheatley, Chris; Kaynak, Kaya (6 лютага 2021) Aston Villa vs Arsenal highlights Watkins’ early goal gives Villa win (анг.). Football.London.
11. Top Spanish club sign Brighton and Hove Albion goalkeeper (анг.). Brighton and Hove News (12 ліпеня 2021).
12. Mathew Ryan joins FCK (анг.). F.C. København (9 жніўня 2022).
13. «AZ versterkt zich met doelman Ryan». AZ.

Вонкавыя спасылкі

• Профіль (анг.) на Transfermarkt
• Мэт’ю Раян у Інстаграме