Панатынаікос Атэны

Панатынаікос
Поўная назва	па-грэцку: Παναθηναϊκός Αθλητικός Όμιλος Ποδοσφαιρική Ανώνυμος Εταιρεία
Заснаваны	3 лютага 1908
Горад	Атэны, Грэцыя
Стадыён	Алімпійскі Умяшчальнасьць: 69 618
Прэзыдэнт	Яніс Аляфузас^[d]
Кіраўнік	Яніс Аляфузас^[d]
Галоўны трэнэр	Руй Віторыя^[d]
Чэмпіянат	Супэрліга
· 2023—2024	4 месца
Галерэя здымкаў у Вікісховішчы pao.gr (грэцк.)​ (анг.)​ (гішп.)

«Панатынаікос» (па-грэцку: Παναθηναϊκός) — грэцкі футбольны клюб з гораду Атэнаў. Заснаваны ў 1908 годзе. 20-разовы чэмпіён Грэцыі, 20-разовы ўладальнік Кубка Грэцыі. З 1950-х гадоў клюб трымае адну з найстарэйшых і самых пасьпяховых футбольных акадэміяў у Грэцыі, стала рыхтуючы таленты як для галоўнай каманды клюбу, гэтак і нацыянальнай зборнай Грэцыі. Паводле дасьледаваньняў і апытаньняў, «Панатынаікос» ёсьць другім самым папулярным футбольным клюбам у краіне пасьля «Алімпіякосу»^[1][2]. Менавіта з гэтым клюбам «Панатынаікос» мае доўгатэрміновае суперніцтва. Матчы паміж камандамі маюць назоў Дэрбі вечных ворагаў^[3].

Гісторыя

Згодна з афіцыйнай гісторыяй клюбу, 3 лютага 1908 году «Панатынаікос» быў закладзены Ёргасам Каляфатысам поруч зь яшчэ 40 спартоўцамі, калі яны вырашылі сысьці атлетычнага клюбу «Панэлініяс», кіраўніцтва якога пастанавіла спыніць існаваньне сваёй футбольнай сэкцыі^[4]. Назовам паўсталага клюбу быў абраны футбольны клюб «Атэны». Сябры клюбу падкрэсьлівалі, што яны маюць на мэце распаўсюд новага для Грэцыі віду спорту. Акрамя таго, намерам заснавальнікаў было стварыць каманду для ўсіх жыхароў Атэнаў і зьвязаць свой футбольны рух зь астатнімі эўрапейскімі рухамі^[5]. Першым абраным прэзыдэнтам быў Аляксандрас Каляфатыс, брат Ёргаса. Першым галоўным трэнэрам стаў спартовец і навучэнец Оксфардзкага ўнівэрсытэту Джон Сырыл Кэмпбэл, які стаў першым замежнікам на пасадзе грэцкай каманды^[6]. Вядомы грэцкі легкаатлет і алімпійскі чэмпіён Канстантынас Цыклітырас гуляў на пазыцыі брамніка ў наваствораным клюбе.

Легендарны гулец «Панатынаікоса» 1930-х гадоў Ангеляс Мэсарыс.

У 1910 годзе, пасьля спрэчкі сярод шэрагу сябраў рады, Каляфатыс з большасьцю гульцоў, у тым ліку і Кэмпбэлам, вырашылі выйсьці з шэрагаў атэнскага клюбу і перабраліся на новую пляцоўку на пляцу Амэрыкі. Назва клюбу зьмянілася на «Панэлініяс», а клюбнымі колерамі былі абраныя зялёны і белы. Да 1914 году Кэмпбэл вярнуўся ў Ангельшчыну, але клюб да таго часу ўжо быў сярод лідэраў грэцкага футболу. Сярод гульцоў той каманды вылучаліся Міхаліс Папазаглю, Міхаліс Рокас і Люкас Панургіяс. У 1918 годзе на прапанову Папазаглю каманда абрала трылісьнік сваёй эмблемай^[7]. У 1921 і 1922 гадах асацыяцыя футбольных клюбаў Атэнаў і Пірэю зарганізавалі першыя два чэмпіянаты па Першай сусьветнай вайне. У абодвух розыгрышах чэмпіёнам быў менавіта «Панэлініяс». Пасьля доўгіх перамоваў з атэнскімі ўладамі, урэшце, клюб здолеў дамовіцца наконт пераезду на стадыён Леафорас у 1922 годзе. Адразу з новым стадыёнам клюб вырашыў зьмяніць назву на атлетычны клюб «Панатынаікос», што значыць «усеатэнскі».

У 1926 годзе Грэцкая фэдэрацыя футболу стварыла і зладзіла першы чэмпіянат Грэцыі, але «Панатынаікос» спачатку ня браў удзел у спаборніцтве праз спрэчкі з фэдэрацыяй, але ў 1928 годзе ўсё ж такі далучыўся да лігі. «Панатынаікос» перамог у сэзоне 1929—1930 гадоў не прагуляўшы аніводнага матчу. Ачольваў клюб на той момант вугорскі трэнэр Ёжэф Кюнстлер, а сапраўднай зоркай клюбу быў Ангеляс Мэсарыс^[8]. Іншымі выбітнымі гульцамі той пекнай эпохі былі Антоніс Мігіякіс, Дыямідыс Сымэанідыс, Міміс Піеракас і Стэфанас Піеракас. Цягам сэзону клюб разграміў «Алімпіякос» зь лікам 8:2, Мэсарыс улучыў тры мячы ў браму пірэйцаў^[9]. Каманда таксама перамагла «Арыс» зь лікам 1:4 у Тэсалёніках. Мэсарыс зноўку адзначыўся трыма галамі і стаў героем матчу.

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Юры Ладыгін 1990 2 Аб Ёргас Баянідыс 2001 3 Аб Філіп Макс 1993 4 ПА Рубэн Пэрэс 1989 5 Аб Барт Схэнкевэльд (капітан) 1991 6 ПА Зэка 1988 7 Нап Фотыс Яанідыс 2000 8 ПА Азэдын Унаі (ар. Марсэль) 2000 9 Нап Андраж Шпорар 1994 10 Нап Тэтэ 2000 11 ПА Анастасіяс Бакасэтас 1993 14 Аб Эрык Палмэр-Браўн 1997 15 Аб Свэрыр Інгасан 1993 16 ПА Адам Гнэзда-Чэрын 1999 17 Нап Даніель Мансыні 1996 18 Нап Дымітрыс Лімніёс 1998 19 ПА Алексіс Труе 2000 20 ПА Неманья Максімавіч 1995 21 Аб Тын Едвай 1995

№ Пазыцыя Імя Год нараджэньня 23 Аб Гёрдур Магнусан 1993 25 Аб Філіп Младэнавіч 1991 26 Аб Элтан Фікай 2005 27 Аб Яніс Коцырас 1992 28 Нап Факунда Пэлістры 2001 29 Нап Аляксандар Ерэмэеф 1993 30 ПА Адрыяна Брэгу 2006 31 ПА Філіп Джуручыч 1992 32 Аб Джордж Балдак 1993 37 ПА Ласла Кляйнгайсьлер 1994 44 ПА Ёргас Нікас 1999 52 ПА Тоні Вільена 1995 55 ПА Віліян Аран 1992 69 Бр Бартламей Дрангоўскі 1997 77 Нап Бэньямін Вэрбіч 1993 80 Нап Атанасіяс Дабізас 2004 81 Бр Клідман Лілё 2003 82 Бр Ёргас Каракасыдыс 2005

Крыніцы

1. «Έλαβον: ΟΣΦΠ 39%, ΠΑΟ 30%, ΑΕΚ 15%, ΠΑΟΚ 11%, Άρης 5%. Ύστερα από 15ετή έρευνα δύο πανεπιστημιακοί στο βιβλίο τους καταγράφουν την ιστορία και γεωγραφία του ελληνικού ποδοσφαίρου». Τanea.
2. «Ο οπαδικός χάρτης της Ελλάδας!». Sdna.
3. «Greece Eternal Thespians». FIFA.
4. «History». PAO.
5. «To 1908...» Paoabroad.
6. «Σαν σήμερα (03-02-1908) 103 χρόνια από την ίδρυση του Παναθηναϊκού». Το Βήμα.
7. Kyriazis, Christos (4.02.2008). «The Golden Age of PAO». Ethnosport.
8. Alexopoulos, Ilias (3.01.2008). «Our best moments...». Athlitikι.
9. «Παναθηναϊκός – Ολυμπιακός 8–2». E-Soccer.

Вонкавыя спасылкі

• Афіцыйны сайт