Украінская праўда

Украінская праўда
Слоган	Заснаваная Георгіем Гангадзэ ў 2000 годзе
Тып	Сеціўная газэта
Даступныя мовы	Украінская, ангельская і расейская
Уладальнік	Алена Прытула(uk)
Аўтар	Георгі Гангадзэ
Пачатак працы	16 красавіка 2000 (25 гадоў таму)
Камэрцыйны?	Так
Рэгістрацыя	Ёсьць
Прыбытак	Ёсьць
Актуальны стан	Дзейны
Рэйтынг Alexa	15 (2014; ва Ўкраіне)
pravda.com.ua

«Украінская праўда» (УП; укр. Українська правда) — сеціўнае выданьне Ўкраіны, заснаванае ў дзень усеўкраінскага канстытуцыйнага рэфэрэндуму(uk) 16 красавіка 2000 году. 16 верасьня^[1] начальнік дэпартамэнту вонкавага назіраньня галоўнага кіраўніцтва МУС генэрал-лейтэнант Аляксей Пукач^[2] на загад міністра ўнутраных справаў Украіны(uk) Юрыя Краўчанкі(uk)^[3] выкраў і 17 верасьня задушыў першага рэдактара выданьня Георгія Гангадзэ^[4], які пісаў пра хабарніцтва ва ўрадзе. Новай рэдактаркай стала Алена Прытула. У выніку павышэньня наведвальнасьці ў ходзе Аранжавай рэвалюцыі да 2005 г. вэб-сайт выйшаў на самаакупнасьць за кошт прыбытку ад рэклямы. На 2014 г. сярэдняя штодзённая наведвальнасьць перавышала мільён чытачоў.

Глядзіце таксама

• Эўрапейская праўда

Крыніцы

1. У Кіеве можа распачацца справа супраць экс-ахоўніка Кучмы // Радыё «Свабода», 23 чэрвеня 2011 г. Праверана 24 чэрвеня 2014 г.
2. Юлія Цяльпук. Тайнае робіцца яўным // Белсат, 31 жніўня 2011 г. Праверана 24 чэрвеня 2014 г.
3. Названы замоўца забойства Гангадзэ // Радыё «Свабода», 14 верасьня 2010 г. Праверана 24 чэрвеня 2014 г.
4. Газэта «Rzeczpospolita». Забойца Гангадзэ абвінавачвае Кучму // Беларуская рэдакцыя Польскага Радыё, 30 студзеня 2013 г. Праверана 24 чэрвеня 2014 г.

Вонкавыя спасылкі

• Мабільная бачына (укр.)
• RSS-стужка (укр.)