Унаі Сымон

Унаі Сымон
Пэрсанальная інфармацыя
Нарадзіўся 11 чэрвеня 1997(1997-06-11)[1][2] (27 гадоў)
Рост 1,92 м
Вага 86 кг
Пазыцыя брамнік
Клюбная інфармацыя
Клюб Атлетык Більбао
Нумар 1
Клюбы
Гады Клюб Гульні (галы)¹
2014—2016
2016—2018
2018— 		Басконія
Більбао Атлетык
Атлетык Більбао 		36 (0)
60 (0)
179 (0)
Зборныя
2020— Гішпанія 46 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
25 траўня 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
14 ліпеня 2024.

Вікіпэдыя мае артыкулы пра іншых асобаў з прозьвішчам Сымон.

Уна́і Сымо́н (па-гішпанску: Unai Simón; нар. 11 чэрвеня 1997 году) — гішпанскі футбаліст, брамнік клюбу «Атлетык» зь Більбао і нацыянальнай зборнай Гішпаніі.

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Сымон далучыўся да акадэміі басконскага «Атлетыка» ў 2011 годзе[3]. Дэбютаваў за другую дружыну клюбу ў сэзоне 2014—2015 гадоў. Там жа правёў яшчэ некалькі гадоў, здабыўшы месца ў асноўным складзе. 2 чэрвеня 2017 году Сымона запрасіў у галоўную каманду тагачасны трэнэр «Атлетыка» Хасэ Анхэль Сыганда на перадсэзонны збор[4], аднак брамнік працягваў выступаў за другую дружыну. 13 ліпеня 2018 году Сымон працягнуў свой кантракт да 2023 году[5]. 15 жніўня 2018 году, пасьля сыходу з клюбу Кепы Арысабалягі і траўмы Яга Эрэрына, Сымон быў выкліканы да асноўнай каманды[6]. Спачатку гулец праводзіў матчы на лаўцы запасных, але потым перастаў зьяўляцца нават у заяўцы на матчы. Тым ня менш, 20 жніўня 2018 году брамнік зьявіўся ў пачатковым складзе клюбу ў гульне супраць «Леганэсу». Футбаліст працягнуў выходзіць у старце ў шэрагу наступных матчаў. 15 верасьня ён абараняў браму ў матчы супраць «Рэалу», які скончыўся ўнічыю 1:1. Брамнік некалькі разоў выратоўваў уласную браму ў шэрагу ключовых эпізодах, чым заслугаваў сабе абраньне найлепшым гульцом матчу[7]. У кастрычніку Эрэрын павярнуўся ў склад, і маладзён страціў месца ў складзе. На сэзон 2019—2020 гадоў Сымон абраў сабе кашулю з нумар 1 і адразу пачаў у старце. У матчы супраць «Барсэлёны» брамнік захаваў браму ад галоў[8]. Увесь сэзон футбаліст заставаўся галоўным брамнікам, прапусьціўшы толькі два матчы з-за хваробы. У жніўні 2020 году Сымон склаў новы кантракт з клюбам тэрмінам да 2025 году[20].

Міжнародная

[рэдагаваць | рэдагаваць крыніцу]

Сымон яшчэ юнаком прыцягваўся да выступаў за нацыяльную зборную Гішпаніі розных узростаў. 20 жніўня 2020 году брамніка выклікалі да складу нацыянальнай зборнай Гішпаніі на матчы Лігі нацыяў. 11 лістапада 2020 году Сымон дэбютаваў у матчы супраць зборнай Нідэрляндаў. Гулец далучыўся да складу зборнай, каб узяць удзел у чэмпіянаце Эўропы 2020 году, які ладзіўся ў 2021 годзе. Сымон стаўся першым нумарам каманды, правёўшы ўсе матчы ў браме зборнай. У матчы 1/8 фіналу супраць зборнай Харватыі брамнік учыніў сур’ёзную памылку, выправіўшы мяч у сваю браму[9], але гэта не перашкодзіла Гішпаніі прасунуцца далей, дзе ў матчы 1/4 фіналу Сымон ужо стаў зоркай матчу[10].

Дасягненьні

[рэдагаваць | рэдагаваць крыніцу]

«Алетык»:

Гішпанія:

Крыніцы

[рэдагаваць | рэдагаваць крыніцу]
  1. ^ а б в Unai Simón // Transfermarkt (мн.) — 2000.
  2. ^ а б в Unai Simón Mendibil // As (гішп.) — Madrid: PRISA, 1967. — ISSN 1888-6671
  3. ^ «Entrevista a Unai Simon». La Cantera de Lezama
  4. ^ «Preseason with the premier team». Athletic Bilbao.
  5. ^ «Renewal of Unai Simón». Athletic Bilbao.
  6. ^ «Recovery of Unai Simón». Athletic Bilbao.
  7. ^ Ruthven, Graham (15.09.2018). «Isco goal salvages point for Real Madrid away to Athletic Bilbao». Eurosport.
  8. ^ «Athletic Bilbao 1-0 Barcelona». BBC Sport.
  9. ^ «Unai Simon and Pedri team up for shocking Spain own goal — but keeper gains 'redemption'». BBC Sport.
  10. ^ «Switzerland 1-1 Spain (pens: 1-3): La Roja pip Swiss on penalties to reach semi-finals». UEFA.

Вонкавыя спасылкі

[рэдагаваць | рэдагаваць крыніцу]