Фрайбург (футбольны клюб)

Фрайбург
Поўная назва	Sport-Club Freiburg
Заснаваны	30 траўня 1904
Горад	Фрайбург-ім-Брайсгаў, Нямеччына
Стадыён	Бадэнава-Арэна Умяшчальнасьць: 24 000
Галоўны трэнэр	Юліян Шустэр^[d][1]
Чэмпіянат	Бундэсьліга
· 2024—2025	5 месца
Хатнія колеры Выязныя колеры Трэція колеры
Галерэя здымкаў у Вікісховішчы scfreiburg.com (ням.)

«Фрайбург» (па-нямецку: SC Freiburg) — нямецкі футбольны клюб з гораду Фрайбургу, які месьціцца ў фэдэральнай зямлі Бадэн-Вюртэмбэргу. «Фрайбург» традыцыйна хістаецца паміж першым і другім дывізіёнамі нямецкага футболу, што дало падставу на стварэньне заўзятарамі клюбу крычалкі: «Мы ідзем ўніз, мы ідзем наверх, мы ідзем у Кубак УЭФА!», якая была створана ў 1990-я гады^[2]. Фолькер Фінке, які быў мэнэджарам клюбу ў пэрыяд паміж 1991 і 2007 гадамі, быў найдаўжэйшым паводле тэрміну працы ў адным клюбе з усіх мэнэджараў у гісторыі прафэсійнага футболу ў Нямеччыне. Ёахім Лёў, колішні мэнэджар нямецкай зборнай, ёсьць найлепшым бамбардзірам клюбу за ўсю ягоную гісторыю, забіўшы 81 гол у 252 гульнях за клюб^[3]. Клюб быў заснаваны ў 1904 годзе.

Гісторыя

Раньнія гады

Клюб вядзе сваю гісторыю ад двух клюбаў, якія абодва былі заснаваны ў 1904 годзе, то бок гэта «Freiburger Fußballverein 04», які быў створаны ў сакавіку, і «Schwalbe Freiburg», які зьявіўся толькі праз два месяцы. Абодва клюбы зьведалі некалькі зьменаў назова. Так «Schwalbe Freiburg» стаўся футбольным клюбам «Марс» (ням. Mars) у 1905 годзе, а праз год быў перайменаваны ў «Union Freiburg», у той жа час «Freiburger Fußballverein 04» стаўся «Sportverein Freiburg 04» у 1909 годзе. Праз тры гады абодва клюбы аб’ядналіся ў адзіны клюб «Фрайбург», і менавіта тады была створана эмблема клюбу з выявай галавы грыфону.

У 1918 годзе пасьля спусташэньня Першай сусьветнай вайны «Фрайбург» увайшоў у часовую дамоўленасьць з клюбам «Фрайбургер», каб мець магчымасьць выставіць поўны склад гульцоў, і гэтае часовае аб’яднаньне атрымала назоў «KSG Freiburg». На наступны год «Фрайбург» далучыліся да «FT 1844 Freiburg» на некаторы час як футбольны аддзел гэтага клюбу. Гэтае супрацоўніцтва было адноўлена ў 1938 годзе. Клюб пасьпеў пагуляць на самым высокім узроўні з 1928 году, спачатку ў Бэцырксьлізе Бадэну, а потым і ў Гаўлізе Бадэну, зь якой яны вылецелі ў 1934 годзе.

У канцы Другой сусьветнай вайны, акупацыйныя ўлады хаўрусьнікаў расфармавалі большасьць існуючых арганізацыяў у Нямеччыне, у тым ліку футбольныя й спартовыя клюбы. Клюбам было дазволена аднавіць сваю дзейнасьць праз год, але яны павінны былі браць на сябе новыя імёны ў спробе дыстанцыявацца ад іхняга нядаўняга нацысцкага мінулага. Таму да 1950 году клюб быў вядомы пад новым назовам «VfL Freiburg», але пасьля франка-акупацыйныя ўлады дазволілі клюбам вярнуць сваю старую ідэнтычнасьць. Нарэшце, у 1952 годзе, «Фрайбург» зноўку пакінуў таварыства «FT Freiburg».

Склад

Актуальны на 14 лютага 2025 году

№ Пазыцыя Імя Год нараджэньня 1 Бр Ноа Атубалю 2002 3 Аб Філіп Лінгарт 1996 5 Аб Мануэль Гульдэ 1991 6 ПА Патрык Остэргаге 2000 8 ПА Максімілян Эгештайн 1996 9 Нап Люкас Гёлер 1994 11 ПА Дэніел-Кофі К’ерэ 1996 17 Аб Люкас Кюблер 1992 18 Нап Эрэн Дынкчы 2001 19 Нап Ян-Нікляс Бэстэ 1999 20 Нап Чуквубуіке Адаму 2001 21 Бр Флёрыян Мюлер 1997 23 Нап Фларэнт Мусьлія 1998 24 Бр Янік Гут 1994

№ Пазыцыя Імя Год нараджэньня 25 Аб Кіліян Сыльдылія 2002 26 Нап Максімілян Філіп 1994 27 ПА Нікаляс Гёфлер 1990 28 Аб Матыяс Гінтэр 1994 30 Аб Крыстыян Гюнтэр (капітан) 1993 32 Нап Вінчэнца Грыфа 1993 33 Аб Жардзі Макенго 2001 34 ПА Мэрлін Рэль 2002 37 Аб Макс Разэнфэльдэр 2003 38 Нап Міхаэль Грэгарыч 1994 42 Нап Рыцу Доан 1998 43 Аб Бруна Огбус 2005 44 ПА Яан Манзамбі 2005

Крыніцы

1. https://www.transfermarkt.com/-/mitarbeiterhistorie/verein/60
2. «Reason trumps rashness at Freiburg»(недаступная спасылка). Bundesliga website.
3. Peter Martin (2004). Sport-Club Freiburg. ed. «Hundert Jahre 90 Minuten: Die Geschichte des SC Freiburg von 1904-2004». Freiburg.

Вонкавыя спасылкі

• Афіцыйны сайт
• Фан-сайт клюбу
• Статыстыка клюбу ў часопісе «Кікер»