Хакан Чалганоглу

Хакан Чалганоглу
Пэрсанальная інфармацыя
Нарадзіўся	8 лютага 1994(1994-02-08)[1][2][3] (30 гадоў) Мангайм, Карльсруэ^[d], Бадэн-Вюртэмбэрг, Нямеччына
Рост	176 см
Вага	73 кг
Пазыцыя	паўабаронца
Клюбная інфармацыя
Клюб	Інтэрнацыянале
Нумар	20
Клюбы
Гады	Клюб	Гульні (галы)¹
2012 2012—2014 2012—2013 2014—2017 2017—2021 2021—	Карльсруэ Гамбург → Карльсруэ (арэнда) Баер Мілян Інтэрнацыянале	16 (0) 34 (11) 36 (17) 79 (17) 135 (22) 102 (24)
Зборныя
2013—	Турэччына	92 (19)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 30 жніўня 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 9 верасьня 2024.

Хакан Чалганоглу (па-турэцку: Hakan Çalhanoğlu; нарадзіўся 8 лютага 1994 году, Мангайм, Нямеччына) — нямецка-турэцкі футбаліст, які выступае за клюб «Інтэрнацыянале» і зборную Турэччыны на пазыцыі паўабаронцы.

Кар’ера

Клюбная

Першымі клюбамі ўраджэнца Мангайму сталі мясцовыя «Тураншпор», «Паліцай» і «Вальдхаф», у якім ён прыцягнуў да сябе ўвагу зь боку юнацкага складу клюбу «Карльсруэ», улетку 2009 году Чалганоглу перабраўся ў «Карльсруэ». У зімовай паўзе сэзону 2011—2012 гадоў гульца юнацкага складу Чалганоглу вызваў у галоўную каманду трэнэр сіне-белых Ёрн Андэрсэн. 5 лютага 2012 году Чалганоглу дэбютаваў за «Карльсруэ» ў матчы з клюбам «Эрцгэбіргэ Аўэ», прычым выйшаў у стартавым складзе й аддаў дзьве галявыя перадачы, дзякуючы якім «Карльсруэ» перамог зь лікам 2:1. 11 сакавіка 2012 году падоўжыў кантракт да 30 чэрвеня 2016 году. Нягледзячы на няўдалы сэзон для «Карльсруэ», які выляцеў у трэцую Бундэсьлігу, Чалганоглу правёў у другой Бундэсьлізе 14 матчаў і аддаў 3 галявыя перадачы, чым выклікаў да сябе прадметны інтарэс «Гамбургу».

14 жніўня 2012 году Чалганоглу падпісвае кантракт з «Гамбургам» да 30 чэрвеня 2016 году, але адразу быў адданы ў арэнду ў папярэдні клюб Чалганоглу «Карльсруэ»^[4]. «Гамбург» заплаціў за яго 2,5 мільёну эўра, перабіўшы прапановы «Баварыі» й «Вэрдэру». Сэзон 2012—2013 гадоў Чалганоглу праводзіць проста выдатна: 36 матчаў, 17 галоў, 12 галявых перадач, чацьвертае месца ў сьпісе лепшых бамбардзіраў трэцяй Бундэсьлігі, акрамя таго 3 матчы ў Кубку Нямеччыны й дзьве галявыя перадачы ў іх. Чалганоглу зрабіў вялікі ўнёсак у справу вяртаньня «Карльсруэ» ў другую Бундэсьлігу. Па выніках сэзону 2012—2013 гадоў Чалганоглу быў названы лепшым гульцом трэцяй Бундэсьлігі, а ў Нямеччыне й Турэччыне яго сталі называць новым Мэсутам Эзілям.

Сэзон 2013—2014 гадоў Чалганоглу правёў у «Гамбургу». 4 ліпеня 2014 году перайшоў у склад «Баеру», падпісаўшы кантракт з трансфэрным коштам у 14,5 мільёну эўра тэрмінам на пяць год^[5].

Міжнарожная

Хакан Чалганоглу гуляў за зборныя Турэччыны розных узростаў. На моладзёвым чэмпіянаце сьвету-2013 у Турэччыне Чалганоглу лічыўся адным зь лідараў моладзевай зборнай Турэччыны. Калі ў клюбе Чалганоглу часьцей выкарыстоўваюць як правага ўінгера, то ў зборнай ён гуляе цэнтральнага атакавалага паўабаронцу, атрымліваючы максымум абшару для тварэньня^[6].

Чалганоглу нарадзіўся й вырас ў Нямеччыне, мае нямецкае грамадзянства, таму меў магчымасьць выступаць за зборную Нямеччыны, аднак прыняў рашэньне гуляць за нацыянальную зборную Турэччыны.

Дасягненьні

«Інтэрнацыянале»:

• Чэмпіён Італіі: 2024
• Уладальнік Кубка Італіі: 2022, 2023
• Уладальнік Супэркубка Італіі: 2021, 2022, 2023

Крыніцы

1. ^ http://www.transfermarkt.co.uk/hakan-calhanoglu/nationalmannschaft/spieler/126414
2. ^ Hakan Calhanoglu // Transfermarkt (мн.) — 2000.
3. ^ Hakan Calhanoglu // As (гішп.) — Madrid: PRISA, 1967. — ISSN 1888-6671
4. «Гамбург» приобрел хавбека юношеской сборной Турции. sports.ru.
5. Calhanoglu signs for Bayer 04. Bayer 04 Leverkusen.
6. За кем следить на молодежном чемпионате мира: Турция. sports.ru.

Вонкавыя спасылкі

• Афіцыйны сайт Хакана Чалганоглу(недаступная спасылка)
• Профіль на афіцыйным сайце «Карльсруэ»
• Профіль на сайце Weltfussball.de
• Профіль на сайце Transfermarkt.de
• Профіль на сайце Kicker.de
• Профіль на сайце Турэцкай Футбольнай Фэдэрацыі