DVD

DVD
Працоўная паверхня DVD-дыска.
Тып носьбіта	Аптычны дыск
Аб’ём	4,7 ГБ (аднабаковы, аднаслойны) 8,5—8,7 ГБ (аднабаковы, двухслойны) 9,4 ГБ (двухбаковы, аднаслойны) 17,08 ГБ (двухбаковы, двухслойны)
Спосаб чытаньня	650 нм лазэр 10.5 МБіт/с (1×)
Спосаб запісу	10.5 МБіт/с (1×)
Стандарты	DVD-кнігі DVD Forum Спэцыфікацыі DVD+RW Alliance
Распрацоўнікі	Philips, «Соні», Toshiba, Panasonic

DVD — фармат аптычных дыскаў, створаны Philips, «Соні», Toshiba і Panasonic у 1995 годзе. Маючы тыя ж памеры, што і кампакт-дыск, DVD можа ўтрымліваць значна болей інфармацыі.

На рынку існуюць DVD-дыскі розных відаў. Найбольш распаўсюджаныя папярэдне запісаныя DVD-дыскі — DVD-ROM, якія штампуюцца ў вялікіх аб’ёмах паводле арыгінальнай матрыцы. Для аднаразовага запісу існуюць два фарматы: DVD-R і DVD+R. Перазапісвальныя DVD (DVD-RW, DVD+RW, DVD-RAM) можна запісваць і сьціраць шматразова.

DVD-Video, спажывецкі фармат лічбавага відэа, выкарыстоўвае DVD-дыскі ў якасьці носьбіту. DVD-дыскі выкарыстоўваюцца і ў аналягічным аўдыё-фармаце DVD-Audio. Таксама DVD-дыскі, як і CD, могуць утрымліваць звычайныя лічбавыя зьвесткі для выкарыстаньня ў кампутары.