Dasyproctidae
| Dasyproctidae | |
 Dasyprocta leporina — тыповы від | |
| Клясыфікацыя | |
|---|---|
| Царства | Жывёлы (Animalia) |
| Тып | Хордавыя (Chordata) |
| Падтып | Хрыбетныя (Vertebrata) |
| Надкляса | Чатырохногія (Tetrapoda) |
| Кляса | Сысуны (Mammalia) |
| Падкляса | Зьвяры (Theria) |
| Інфракляса | Пляцэнтарныя (Placentalia) |
| Атрад | Грызуны (Rodentia) |
| Падатрад | Hystricomorpha |
| Сямейства | Dasyproctidae |
| Бінамінальная намэнклятура | |
| Dasyproctidae Bonaparte, 1838 | |
Dasyproctidae — сямейства клясы сысуноў, якое ўключае 2 сучасныя роды і 15 сучасных відаў[1]. Яны насяляюць амэрыканскія трапікі ад поўдня Мэксыкі да паўночна-ўсходняй Аргентыны. Многія віды жывуць у пустэльнях і сухіх лугах. Выкапныя рэшткі вядомыя ад самага пачатку алігацэну Паўднёвай Амэрыкі[2][3].
Гэта ўмерана буйныя грызуны вагой каля 2 кг. У іх стройнае і грацыёзнае цела з тонкімі і доўгімі нагамі. Заднія канечнасьці прыкметна даўжэй пярэдніх; кіпцюры вострыя, капытападобныя. Галава вялікая, вушы маленькія, але прыкметныя, а вочы вялікія. Хвост кароткі. Валасяны полаг грубы, але мае выразны бляск; колер ад амаль чорнага да жаўтлява-карычневага на спіне, а ніжняя частка звычайна больш бледная, а доўгія валасы над крупам могуць быць кантрасна афарбаваныя. Зубная формула: 1/1, 0/0, 1/1, 3/3 = 20 зубоў[3][2].
Гэтыя жывёлы звычайна адзінокія, але іх часам можна ўбачыць невялікімі групамі вакол канцэнтрацыі ежы. Яны звычайна траваедныя — спажываюць садавіну, арэхі, лісьце і нават карані. Dasyproctidae — хуткія бягуны[3][2].
Сыстэматыка
[рэдагаваць | рэдагаваць крыніцу]Сямейства Dasyproctidae
- род Dasyprocta (агуты) — віды D. azarae, D. coibae, D. croconota, D. fuliginosa, D. guamara, D. iacki, D. kalinowskii, D. leporina, D. mexicana, D. prymnolopha, D. punctata, D. ruatanica, D. variegata
- род Myoprocta (акучы) — віды M. acouchy, M. pratti
- выкапныя роды †Alloiomys, †Australoprocta, †Branisamys, †Incamys, †Neoreomys, †Megastus, †Palmiramys
Крыніцы
[рэдагаваць | рэдагаваць крыніцу]- ^ The Mammal Diversity Database (анг.). American Society of Mammalogists. Праверана 23.10.2021 г.
- ^ а б в Myers, P. (2001) Dasyproctidae (анг.). Animal Diversity Web. Праверана 23.10.2021 г.
- ^ а б в Vaughan T., Ryan J., Czaplewski N. Mammalogy. — Jones & Bartlett Learning, 2011. — С. 229. — 750 с. — ISBN 9780763762995 (анг.)
 |
Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |