In hoc signo vinces
In hoc signo vinces (бел. Пад гэтым знакам пераможаш) — словы, якія былі напісаныя на крыжы, што ўбачыў у небе Канстантын I Вялікі пад час паходу на Рым 28 кастрычніка 312 году перад бітвай з Максэнцыям.
Ён загадаў адлюстраваць крыж на шчытах сваіх салдат і, нягледзячы на перавагу суперніка ў колькасьці, атрымаў перамогу. Пасьля гэтыя словы былі вышытыя на яго сьцягу, Канстанцін забараніў ганеньні на хрысьціян і перад сьмерцю прыняў хрысьціянства.
Гэтая ж фраза ў скажоным царкоўна-славянска-беларускім перакладзе («Сім пераможма!») выкарыстоўваецца для дасягненьня саркастычнага эфэкту ў гутарцы, каб паказаць неадпаведнасьць мэтаў і сродкаў іх дасягненьня.
Дэвіз
[рэдагаваць | рэдагаваць крыніцу]Выраз атрымаў распаўсюд у мастацкай культуры і геральдыцы.
- Ірляндзкі клан О’Донэл(uk) (464)
- Бронзавыя фолісы(en) бізантыйскага імпэратара Канстанта II (641—668)
- Герб места Пльзень (1295) у Багеміі (Чэхія)
- Места Біркіркара (1436) у Сярэдзіннай вобласьці вострава Мальта
- Адваротны бок сьцяга «Сьвятога атрада»(el) (1821) на пачатку вайны за незалежнасьць Грэцыі 1821—1829 гадоў
- Мадраскі хрысьціянскі каледж(en) (1837) у Чэнаі (штат Тамілнад, Індыя)
- Каледж сьвятога крыжа(en) (1843) у Вустэры (штат Масачусэтс, ЗША)
- Студэнцкае брацтва «Сыгма Хі»(en) (1855) у ЗША і Канадзе
- Тэхналягічны інстытут Мэрыды(es) (1962) у штаце Юкатан (Мэксыка)
- Эмблема 4-й матарызаванай гвардзейскай брыгады «Павукі»(hr) (1991—2008) у складзе Харвацкага войска
- На некаторых вэрсіях пачкі амэрыканскіх цыгарэт «Pall Mall».
Вонкавыя спасылкі
[рэдагаваць | рэдагаваць крыніцу]
In hoc signo vinces — сховішча мультымэдыйных матэрыялаў