Адвэнт

Адвэ́нт — чатырохтыднёвы час перад Божым Нараджэньнем, прызначаны для годнай падрыхтоўкі вернікаў да прыняцьця нованароджанага Езуса Хрыстуса. Скончваецца 25 сьнежня.

Гэта лацінскае слова азначае прыйсьце Збаўцы.

Бярэ пачатак зь першых стагодзьдзяў хрысьціянства. Раней яго адзначалі ў посьце, у чуваньні і малітве (гэты звычай захаваўся ў некаторых законных кангрэгацыях).

У адпаведнасьці з храналягічным падзелам, касьцёльны год распачынае Адвэнт, г. зн. пэрыяд падрыхтоўкі да перажываньня таямніцы Ўцелаўленьня Божага Сына. Ён пачынаецца ў нядзелю паміж 27 лістапада і 3 сьнежня і доўжыцца да 24 сьнежня, ахопліваючы чатыры тыдні. У мінулым Адвэнт у розных мясцовых Касьцёлах меў розную працягласьць. У некаторых законах уведзены 40-дзённы Адвэнт накшталт Вялікага посту. Да сёньняшняга дня ў Касьцёле сьв. Амброзія ў Міляне Адвэнт доўжыцца не чатыры, а шэсьць тыдняў.

Гэты пэрыяд дзеліцца на дзьве часткі: дні да 16 сьнежня зьяўляюцца часам радаснага чаканьня паўторнага прыйсьця Хрыста на сканчэньне сьвету. З 17 да 24 сьнежня працягваецца падрыхтоўка да ўрачыстасьці Нараджэньня Пана, якая сьвяткуецца 25 сьнежня.

Глядзіце таксама

• Піліпаўка