Адыль Рамі

Адыль Рамі
Пэрсанальная інфармацыя
Нарадзіўся 27 сьнежня 1985(1985-12-27)[1][2][3] (38 гадоў)
Рост 190 см
Вага 88 кг
Пазыцыя цэнтральны абаронца, абаронца
Клюбы
Гады Клюб Гульні (галы)¹
2003—2006
2006—2011
2011—2014
2014
2014—2015
2015—2017
2017—2019
2019—2020
2020
2020—2021
2021—2023 		Этуаль
Ліль
Валенсія
→ Мілян (арэнда)
Мілян
Сэвільля
Алімпік Марсэль
Фэнэрбахчэ
Сочы
Баавішта
Труа 		58 (0)
129 (8)
61 (2)
18 (3)
21 (1)
49 (0)
49 (2)
1 (0)
0 (0)
22 (0)
37 (3)
Зборныя
2010—2018 Францыя 36 (1)

Ады́ль Рамі́ (па-француску: Adil Rami; нарадзіўся 27 сьнежня 1985 году, Бастыя, Францыя) — колішні францускі футбаліст. Гулец нацыянальнай зборнай Францыі. Звычайна выступаў на пазыцыі абаронцы. Вядомы сваёй фізычнай сілай, здольнасьцю майстарскі выконваць штрафныя ўдары, а таксама добрай гульнёй у паветры, бо ягоны рост складае 190 см. Адыль мае мараканскае паходжаньне. Чэмпіён сьвету 2018 году.

Кар’ера

[рэдагаваць | рэдагаваць крыніцу]

Першым клюбам Адыля стаў «Этуаль Фрэю Сэн-Рафаэль», у які ён трапіў ў 1994 годзе ва ўзросьце 9 гадоў. Нягледзячы на вялікае жаданьне Рамі займацца футболам прафэсійна, яму прыходзілася гуляць толькі ў вольны час ад працы ў гарадзкой ратушы, у якой працавала ягоная маці[4]. У сэзоне 2003—2004 гадоў Адыль дэбютаваў на аматарскім узроўні ў матчах за свой ​​клюб у чацьвертым дывізіёне чэмпіянату Францыі[5].

«Ліль»

[рэдагаваць | рэдагаваць крыніцу]

Пасьля свайго пераезду ў «Ліль» Рамі быў адпраўлены ў рэзэрвовы склад клюбу, якім кіраваў Паскаль Плянк, трэнэр, які паводле словаў самога Адыля даў яму шанец расьці ў прафэсійным пляне[6]. За два месяцы да заканчэньня сэзона 2006—2007 гадоў Адыль быў упершыню выкліканы Клёдам Пюэлем у асноўны склад клюбу. 19 траўня 2007 году Рамі дэбютаваў у чэмпіянаце Францыі ў матчы супраць «Асэру», выйшаўшы на поле ў стартавым складзе на звыклай пазыцыі цэнтральнага абаронцы. Праз тыдзень Адыль зноўку згуляў зь першых хвілінаў у матчы супраць «Рэну». 4 чэрвеня Рамі падпісаў свой ​​першы прафэсійны кантракт, заключыўшы трохгадовае пагадненьне з клюбам да 2010 году[7].

«Валенсія»

[рэдагаваць | рэдагаваць крыніцу]

3 студзеня 2011 году Рамі падпісаў кантракт на 4,5 году з гішпанскай «Валенсіяй»[8]. Між клюбамі было заключана пагадненьне аб тым, што Рамі будзе выступаць за «Ліль» да ліпеня, пасьля чаго далучыцца да гішпанцаў на сталай аснове. Дэбютаваў у складзе «кажанаў» у гульні супраць «Расінгу» ў пераможным зь лікам 4:3 матчы. У той жа гульні, Рамі забіў свой першы гол за клюб з падачы з кутняга ўдару[9].

«Мілян»

[рэдагаваць | рэдагаваць крыніцу]

Рамі пагадзіўся да далучэньня ў табар «Міляну» ў кастрычніку 2013 году, аднак, ягоны клюб «Валенсія», ня даў яму дазволу на пачатак трэніровак з італьянскім клюбам да студзеня 2014 году, пакуль арэнда афіцыйна не была зроблена[10]. 6 студзеня Адыль дэбютаваў у Сэрыі А, выйшаўшы на ў якасьці замены Крыстыяну Сапата ў матчы супраць «Аталянты», якая скончылася зь лікам 3:0 на карысьць мілянцаў. 1 лютага 2014 году ён забіў свой першы гол у Сэрыі А, у матчы супраць «Тарына».

12 ліпеня 2014 году Рамі падпісаў зь «Мілянам» 3-гадовы кантракт. За гульца італьянцы выклалі 4,25 млн эўра[11].

Міжнародная кар’ера

[рэдагаваць | рэдагаваць крыніцу]

Рамі дэбютаваў у складзе зборнай Францыі 11 жніўня 2010 году ў таварыскім матчы супраць зборнай Нарвэгіі. Да гэтага ў яго быў выбар паміж францускай і мараканскай зборнай, чый трэнэр Анры Мішэль прапаноўваў Адылю месца ў складзе перад Кубкам афрыканскіх нацыяў 2008 году. Тым ня менш, Рамі адхіліў прапанову Мішэля, заявіўшы пра сваё жаданьне выступаць у складзе «трохкаляровых». Адыль заявіў аб тым, што ён аддасьць перавагу «прадстаўляць Марока ў францускай зборнай».

Дасягненьні

[рэдагаваць | рэдагаваць крыніцу]

Ліль:

Сэвільля:

  • Пераможца Лігі Эўропы: 2016

Францыя:

  • Чэмпіён сьвету: 2018

Крыніцы

[рэдагаваць | рэдагаваць крыніцу]
  1. ^ а б в Adil Rami // Transfermarkt (мн.) — 2000.
  2. ^ а б в ADIL RAMI // Argentine Soccer Database (гішп.)
  3. ^ а б в Adil Rami // As (гішп.) — Madrid: PRISA, 1967. — ISSN 1888-6671
  4. ^ Adil Rami, l’homme qui a dit non aux Lions. bladi.net
  5. ^ Saison Football 2003/2004. stat2foot.com
  6. ^ Adil Rami, le triomphe de l’insouciance. lavoixdessports.com
  7. ^ Adil Rami signe son premier contrat «pro» avec Lille. bladi.net
  8. ^ Rami to leave Lille for Valencia. uefa.com
  9. ^ Rami netting in his debut for Valencia. ESPN
  10. ^ Official: Rami Joins Milan. Football Italia.
  11. ^ Transfer news: Adil Rami joins AC Milan from Valencia on three-year contract. Sky Sports.

Вонкавыя спасылкі

[рэдагаваць | рэдагаваць крыніцу]